Juízes 6:9 - Kaxinawá Bíblia (BR)

⁹ Egito anua ẽ hatu mebĩ bestiama hakia hatu itxakawaibu nemakĩ ẽ hatu maemashũrianiki.

Juízes 6:9 交叉引用

Juízes 6:8

haska wabu hatu nĩkatã Senhor Deusũ hawẽ hãtxa yuishunika hatunabu betsa hatu anu yunua tashnitã ha Senhor Deusũ hãtxa yuishunikã hatu yuikĩ: “Eska matũ shenipabu Israelĩ mekenika Senhor Deusũ matu yuiai matu yuinũ ea nĩkakãwẽ: ‘Egito anushũ matũ shenipabu dayaru wakĩ tsuma wanibu hiwekubainaibu pashawakĩ ẽ hatu tashnimabiraniki.

Juízes 6:10

Matũ ibubu yuikĩ: Matũ mekenika Senhor Deusrã, ẽ ea bestiki. Hanu mã hiweshanai anu Amorreu nawabũ yushibu betsa betsapabuwẽ dateyamashãkãwẽ, akĩ matũ ibubu ẽ hatu yuibianikẽ na habia mai anu hiweshũ mã hatũ bakebũ mã ea nĩkakatsi ismaki’, akĩ hawẽ hãtxa yuishunikã hatu yuinikiaki.”

1 Samuel 10:18

bei itxabu hatu yuikĩ: —Eska Israelĩ mekenika Senhor Deusũ ea yuishina matu yuinũ ea nĩkakãwẽ. “Matũ shenipabu Israelĩ enabu tashnimakĩ ẽ hatu iweniki, Egito anuarã. Egito nawabũ hatu ana atxipaiaya ẽ kushipawẽ ẽ hatu yamawaniki. Bekubiranaibu nawabu shanẽ ibu tibibũ hatu itxakawapanãbũ ẽ hatu maemashũkubiraniki”, ea washiãki.

Êxodo 33:2

Ẽ nai tsuma kushipa hau hatũ matu merabewakubainũ matube ẽ yunushanaii. Mã hariri kanũ hau hatũ matu bai meshtemabaĩkĩ nawa tibi hatũ mai pakea anu Canaã nawabu inũ, Amorreu nawabu inũ, Heteu nawabu inũ, Ferezeu nawabu inũ, Heveu nawabu inũ, Jebuseu nawabu matu nitxĩmashanikiki.