18-20 ‘Hene kesha hi bananibu meshu merã hawẽ mebi nibipã metxa wamis keskai ẽ yura hawẽruakũkaini ẽ kushipa ana babuama inũ hati bari ẽ haya tsuã tanatiruma hiwekũkaini enabu anua anibuhairakũkaini unanuma ẽ mawashanaii’, iwanã, ẽ shinãkubainimaki.
Hau hawẽ taea benimawakũkainũ hawẽ hiwea txaipa ẽ inãshanaii. Ẽ mekenã pepawẽ taea hawẽ piskui pashani habu benimashanikiki.”
Anibuhairai mĩ ma mawa kemabia kushipai mĩ benimakũkaĩshanaii, shekiwã trigo ma hushĩhaira tsekamisbu keskairã.
Tsuabubera hatube detenamekĩ mese binutã hatũ mabu yumetsubirã matũ hiwe tibi mã mata wamiswẽ taearã, matu anu kupiti mese huayarã, mã peirashãkãwã!
hati shekiwã itxawaibu tsuã hati tanatiruma mashiti keska arukĩ hatira arutã José ana tanatiruma henenikiaki.
Huni txakabubu kushipai ha akĩ hatu itxakawaibu hau ana hatu itxakawayamanũbũ hatũ kushipa ẽ hatu mepãmakubainimaki.
