Jeremias 38:24 - Kaxinawá Bíblia (BR)

²⁴ hanushũ Zedequiasĩ kemakĩ Jeremias yuikĩ: —Mĩ hiwea mĩ mekekatsis ikairã, na haska sharabu hãtxa mĩ ea yuishu tsua yuiyamashãwẽ.

Jeremias 38:24 交叉引用

Jeremias 38:23

Jeremiasĩ shanẽ ibu hãtxa heneriama yuikubaĩkĩ: —Mĩ aĩbuaibu dasibi inũ mĩ bakebu dasibi Caldéia nawabu habu hatu inãkĩ yunushãkanikiki. Hakia mĩ shanẽ ibuhairabia mĩ hawa pashama ishanaii. Mia atxitã Babilônia shanẽ ibuhaira anu mia nitxĩtã mĩ maewã txiwẽ kuakĩ keyushãkanikiki— aka

Jeremias 38:25

Ẽ mibe hãtxashu ẽ shanẽ ibu beshmasbũ nĩkabirã mia yukai beshãkanikiki. Habũ mia akĩ: “Haskara shanẽ ibuhaira Zedequias mĩ yuishinamẽ? Hamẽ hatunã, hawa mia yuishinamẽ?” iwanã, “Mã haskara yubakashina dasibi nuku yuiwe. Nũ mia yubaiwẽ taeshũ nũ mia tenãmaki”, akĩ mia yukashãkanikiki.

Jeremias 37:17

hanushũ hau bitxiti hiwe anua Jeremias kaĩmabaĩkĩ hawẽ hiwe ewapa hawẽrua anu hau iwenũbũ shanẽ ibuhaira Zedequiasĩ hatu yunua bitxiti hiwe anua iweabu Zedequiasĩ Jeremias hune yukakĩ: —Senhor Deusũ hãtxa kaka bena mĩ ana hayamẽ?— aka Jeremiasĩ kemakĩ yuikĩ: —Haa. Mĩ eskakiaki, ẽ mia yuiai nĩkawe. Mĩ pemaki. Babilônia shanẽ ibuhairatũ mia atxishanikiki— atã