11 Mati matipa anu bai hayamabiakẽ matu bai tapĩshũkĩ bai txakabu ẽ matu pãpa washũkubaĩshanaii.
Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.
Eanã, mã haska hiweisma betsa bena ẽ matu ashuaĩ natiã tashniai ibubis mã uĩshanaii. Hanu tsua hiweabuma anu ẽ matu bai pesashũshanaii. Ha mai anu hawa hukuĩsma anu hene tuekĩ ẽ habawashanaii.
Habu mã kaĩbaĩshanaiburã, Israelbũ Senhor Deusũ matu keshea akekebainaiwẽ taea kairã, hĩ hĩ iki hawaira kaĩbainama inũ hunebaini pashayamashãkãwẽ.
