Isaías 41:11 - Kaxinawá Bíblia (BR)

¹¹ Dasibi habũ matu danaĩbu ẽ hatu dakewa babushãkanikiki. Habu matuki sinatakĩ matu detemisbu manakukĩ ẽ matu hatu yamawashũshanaii.

Isaías 41:11 交叉引用

Isaías 45:24

ea yuikĩ: ‘Senhor Deus besti kushipa maemanika paepaki’, ikaibũ hakia hatiri habũ ea danãmisbu hatuki kashekĩ usãshãkanikiki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.

Hechos 16:39

haska hatukiri nĩkabirani beshũ daewakĩ hawẽ bitxiti hiwe anua kaĩmatã nitxĩkĩ Paulo inũ Silas yuikĩ: —Matu haska wakĩ nũ kanexinaki. Nukũ txakabu xinãma unãnuma burikãwẽ, nukũ mae henebainirã— hatu wa

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Êxodo 11:8

Ha dikabi mĩ merabewanika shanẽ ibubu dasibi eanu beshũ eki dãti itã ea ea akĩ: “Haskakenã, nukũ mai pakea hirabi anua kariwe, minabũ mia nĩkamisbu iyuirã”, ea wariabuma ẽ katirumaki— akĩ Faraó yuitã Moisĩ sinatahairai Faraónẽ hiwe anua kaĩkaĩkẽ

Isaías 49:26

Habũ matu yunu yunu akĩ bika tenemamisburã, ibubis hatunabubetãri bika teneshãkanikiki, hatũ nami ibubis piai keska wakinã. Ibubis hatũ himiwẽ paẽshãkanikiki, vinhowẽ paeã keskairã. Haskaibũ ha dasibi yura hiwebaunabũ ea ẽ Senhor Deus matũ mekenã piskumanika inũ ea ẽ Jacó kushipahaira inũ ea ẽ matũ mebikinanika habũ ea unãshãkanikiki”, itã,

Isaías 41:29

Ha yushĩ dami tibirã, hawama hamẽki. Hawa dami watirubumahairaki. Hawa kushipa hayama dami bestibuki.”

Isaías 41:24

Eã ẽ matu uianã, matuburã, mã kushipa hayamahairabuki, mã hawa dami betsa watirumahairarã! Habu unaĩsmapakĩ mã dami katumisburã, mã peirakãwã!

Isaías 40:17

Nawa shukua tibi dasibi hiwebaunaburã, ha bebunuarã, hawamahairabuki. Hatũ habukiri shinanã, hawenarã, hamẽ hawa karumahairaki.

Isaías 40:2

Hãtxa duapawẽ Jerusalém anuabu merabewakĩ ea hatu hãtxa washũkãwẽ. Hatu yuikinã, matu tsuma wanishũ matu dayamamisburã, ma keyuaki. Mã kanetxakayamakubaĩmiswẽ taeshũ ẽ kupiti kushipahaira bestikima ẽ ma matu tenemakubainimaki. Haska memakĩ matũ txakabu ẽ ma matu pakamaimaki”, ikaya

Isaías 54:15

Tsuãra mia ana detenũ ikairã, haskaiburã, eã ẽ ana mia hatu yunuamaki. Hakia tsuãra mia detenũ ikaiburã, miã ibubis mĩ hatu maemashanaii.

Jeremias 2:3

Israelĩ enabu ena wakĩ hatu pashkatã ẽ hatu meribi waniki, bimi pepa ha dukũ tsekashũ arumisbu keska wakinã. Tsuãra enabu itxakawakĩ hatu bika tenemaibu eã hatu kupishũriakĩ atimapa txakabu ẽ hatu anu yunupauniki. Ea ẽ Senhor Deusũ ẽ txanima hãtxawẽ ẽ mia mestẽwaiĩ”, ea waniki.

Êxodo 12:29

habiatiãri bebũkiri haska yuia hukĩ yamenapũ Egito nawabũ hiwe tibi anushũ hatũ huni bake iyua tibi Senhor Deusũ hatu tenã akeakebaunaya Faraó shanẽ ibũ huni bake iyua hawẽ shãtukũ shanẽ ibutiru ha dukũ mawai taeaya hanua huni bitxiti hiwe meranuatũri bake iyuabu tibi mawai keyuriaibũ hatũ inabu bene ha dukũ kaiã mawai keyurianibuki.

Isaías 49:25

Senhor Deusũ mestẽwãkĩ yuiarã: “Ha detenamenika kushipatũ hawara huni betsana bishiã txanima ana mebĩshũtiruki. Ha inũ, huni pubenẽ hawẽ hawara biãbiashĩkẽ txanima mebĩtiruki. Habu matuki sinatai ha ikaibu ea ẽ matu hãtxashũshanaii. Eã kayabis matũ bakebu ẽ matu piskumashũshanaii.