5 Ha haskaitianã, Deus dasibi binua shanẽ ibui maiti pepa txashakapa hawẽrua sawea keska ishanikiki. Ha hawẽ mae tesheniburã, haburã, Deusũ kushipawẽ hawẽruai pepahairashãkanikiki.
Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.
Ha haskaitiã ea ẽ matũ Senhor Deus ẽ txasha ikibi ishanaiwẽ taea ana hawa bari txashai inũ ushe meshu merã txasha hayamabiakẽ mã manuama ishanaii.
Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,
Mã hatu beka beka aka niwẽ hatu bushanikiki. Niwe shubi shubi ibirãkĩ sa abaĩshanikiki. Ẽ matu haska waya matubu mã benimashãkanaii. Israelĩ mekenika ẽ Senhor Deus meribiwẽ mã kẽshãkanaii.
Ẽ hãtxawẽ ẽ tsua parãma inũ, ẽ yunuti kushipa pepa bestiwẽ taeshũ ea duawabu haska uĩ ẽ hiwekũkainimaki.
Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya