Amós 7:4 - Kaxinawá Bíblia (BR)

⁴ Eskari Senhor Jeová ea uĩmashinaki. Matu ana yuinũ ea nĩkakãwẽ. Kupikĩ txi here kuhairai Senhor Jeová yunua bekĩ mai uke meranua hene netsukĩ tsusĩwãkĩ tashka wakĩ keyushũ yunu bai anua dikabi tsusĩwãkĩ keyukubainaya uĩkĩ

Amós 7:4 交叉引用

Amós 7:1

Eska Senhor Jeová ea uĩmashinaki. Matu yuinũ ea nĩkakãwẽ. Shanẽ ibuhairatũ inabũ basi pishanaibu hatu urushũbiashina ha basi ana beneaitiã Senhor Deusũ shini mirimahaira dami wai ẽ uiãyã

Apocalipse 4:1

Haska nĩkaxina inũ hati uĩshu naiuri besushũ beputi bepeã uĩtã hui trombeta mimawati kuxipa keskawẽ hawẽ dukũ Jesus hãtxai ẽ nĩkaxina ana habiãwẽri ea hãtxa wakĩ yuikĩ: “Ea anu inayuwe, mĩ inakẽ haskarara ana betsa betsapa inũbariai ẽ mia uĩmairã”, ea watã

Hebreus 1:7

Hakia hawẽ nai tsumabukiri yuikĩ: “Ẽ daya hau ea ashunũbũ niwe birenepa inũ txi here kuxipa keska wakĩ ẽ nai tsumabũ hau daya betsa betsapa ea habuã ashũkubaĩshanũbũ ẽ hatu yununiki”, anikiaki.

Amós 7:7

Eskari Senhor Deusũ ea uĩmashinaki. Matu ana yuinũ ea nĩkakãwẽ. Maewã mishki kenebaunibu dapi Senhor Deus nia dispiki prumo dunuawẽ mishki kenebaunikatũ hawẽ daya yushtuma pemẽkaĩ, iwanã, unãti hawẽ mekẽwẽ tsumashũ dũtãshũ

Amós 5:6

Mã hiwekũkaĩkatsis ikairã, Senhor Deus anu txĩtũtã hawẽ hãtxa txibãkĩ ea akubaĩkãwẽ. Hakia mã haska wamakẽ betsatiã txi kushipahaira keska Senhor Deusũ matu anu yunushanikiki, mã Israel hiwebaunabu anurã. Ha inũ, Betel anua ha txi ketikainai tsuã nuka watiruma ishanikiki.

Amós 4:11

Ana yuikĩ: “Haska Sodoma inũ Gomorra nawabu ẽ hatu kupini keska wakĩ matu txakabuhairawakĩ matu yamawabiakĩ ẽ matu keyuama ikũkainimaki, karu menui keyui tsistekainai anua matu neshekĩ akawakinã. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.

Amós 1:7

Hatu haska wanibuwẽ taeshũ maewã Gaza mishkiwẽ kenebiabaunibũ hatũ hiwe tibi kuabaũkĩ shanẽ ibubũ hiwe hawẽrua tibi txiwẽ ẽ hatu yamawamashanaii.

Amós 1:4

Hatu haska wanibuwẽ taeshũ Damasco mishki kenebaunibu hikiti shui beputi kushipahairabiakẽ ẽ hatu puremakĩ bashnemashanaii. Txiwẽ hatũ hiwe menumakĩ shanẽ ibuhaira Hazaelĩ enabu yamawamakĩ hawẽ huni bake Ben-Hadadẽ hiwe hawẽrua betsa betsapa ẽ hatu kuamashanaii. Bete-Éden anu yununika inũ Biqueate-Áven anu shanẽ ibuai ẽ hatu yamawamariashanaii. Hatu haska wamatã Síria nawabu hatu atximashũ hatu escravo wamatã Quir txaihaira anu ẽ hatu iyumashanaii”, iki Senhor Deus hatukiri hãtxakĩ yuiniki.

Joel 2:30

Haska inũ, nai anua hawẽ e imati kushipa wakĩ mai anuari dami betsa betsapari ẽ washanaii, himi habamakĩ inũ, txi wakĩ inũ, nai anua basnũ bai kua hawẽ kuĩ keska wakĩ ẽ hatu uĩmashanaii.

Joel 1:19

Senhor Deusuũ, pemakĩ hui kushipawẽ mĩ merabe ẽ mia yukaii. Hanu tsua hiweabuma anua basi inũ nukũ bai anua txiwẽ hi kuakĩ ma keyuabuki.