12 Ana yuikĩ: “Mã Israelĩ enaburã, eanã, ẽ maturi kupikatsis ikaii. Ẽ matu haska washanaiwẽ taea ẽ matũ Mekenika Deus matuki sinatakĩ ẽ matu kupishanaiwẽ taeshũ haska mã teneshanai bebũkiri shinaĩrakubaĩkãwẽ”, akĩ Senhor Deusũ ea yuishina nĩkairakãwẽ.
Haska keskariai hatiãra ẽ matũ Hutxi Kayabi Iuwa ẽ ana hushanai tsuã unãmakẽ matunã, matũ hiwea pewakĩ keyutã ea manakubaĩshãkãwẽ— iwanã,
Haska inũ, yura betsa mã devehairawẽ taeshũ ha mã deveatũ nawa shanẽ ibu anu matu iyuaya hau shanẽ ibũ hawẽ policiabu matu bitximayamanũ ha mã devea hawawẽra daewakãwẽ.
Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.
Hakia kushitxakayamabiakaĩmis haskatã binubaĩ pashatirubuma ishãkanikiki. Matũ detenamenika kushipahairabiabu hatũ kushipa benui babushãkanikiki. Mẽtsisipabiamis haskatã ibubis meketiruma ishãkanikiki.
Mã aĩbuaibu nuima hiweabuũ, datei saki saki ikãwẽ. Matuki txiti ishũ mã aĩbuaibu matu kẽwãmisbuũ, ana haska shinãma date paepakĩ matũ batxi hawẽrua pekatã hawẽ nui bika tenei unãmati batxi besha sawerikãwẽ.
txi herewẽ ni mashu menuai keska inũ ũpash pitxã kukatsa ikai keska wakinã. Mĩ haska waya miki sinatamisbũ mĩ kena kushipa tashniai uĩkĩ unaĩ nawa shukua tibibu mia bebunua bene bene ishãkanikiki.
