2 Tesalonicenses 3:15 - Kaxinawá Bíblia (BR)

¹⁵ Hakia hatuki sinatama mĩ betsabube mĩ ikai keskakĩ hatu hãtxa txakabuwama hatu yusĩkĩ nema bestikubaĩkãwẽ.

Kashinawa : Diosun Jesúswen taexun yuba bena yiniki

¹⁵ Jakia jatuki sinatama min betsabube min ikai keskakin jatu jancha chakabuwama jatu yusinkin nema bestikubainkanwen.

2 Tesalonicenses 3:15 交叉引用

Tito 3:10

Tsuãra Jesus Cristo ikũwaĩbu hatu itimaska wakĩ hatu pashkakatsi ikaibu merabewanũ, iwanã, kenatã mĩ yuia nĩkamakẽ ana ha katxu kenatã mĩ yuia nĩkamarikẽ hanushũ hau ana matube itxayamashanũ nematã hatu nitxĩwẽ.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

1 Coríntios 5:5

hau Deusũ Yushĩ Pepatũ ana mekeyamanũ ha hunĩ txakabuwaima kupikĩ Satanás yunukĩ inãkãwẽ, Satanásã hawẽ yura hau hawara tenemanunã. Haska wanikẽ nukũ Shanẽ Ibu Jesus hukĩ hau hawẽ yushĩ mekei kanunã.

1 Coríntios 4:14

Na eska ẽ matu keneshũ bumairã, matu dakewanũ ishũ ẽ matu akamaki. Hakia matu yusĩ pewai mã ẽ bakebu kayabi matuwẽ nuikĩ abuai keska wakĩ ẽ matu akaii.

Gálatas 6:1

Ẽ betsabu inũ ẽ puibuũ, nukunabũ hamapai txakabuwakĩ kaneaibu uĩtã matũ mã ikũwaĩwẽ taeshũ pewakĩ hatu merabewakĩ hãtxa pepawẽ unãshubira hatu yusĩkubaĩkãwẽ. Hakia matũri txakabuwakĩ mã kaneyamanũbũ, Deusũ Yushĩ Pepatũ matu mekeaya ibubis mekeriakubaĩkãwẽ.

Provérbios 9:9

Hamẽ huni unanepa mĩ yusiã nĩkakĩ tapĩhairai ana unanepa txakayamashanikiki. Huni pepa mĩ yusiã mia nĩkatã ana itxapa tapĩshanikiki.

Mateus 18:15

ana nuku yusĩkĩ: —Ea ikũwaĩ betsã kanekĩ mia txakabuwa habes hãtxai pekĩ harakirira mia txakabuwashu hau unãnũ yuiwe. Mia nĩkaya mĩ habe haibunameshanaii.

2 Coríntios 13:10

Haskakẽ matu uĩ kashũ matu ha akĩ nixmawakĩ ẽ matu ana babu wayamashanũ hakia merabewakĩ ẽ matu kuxipa wakubaĩshanũ nukũ Shanẽ Ibũ hawẽ kuxipa ea inãniwẽ matu yamawama mã ikũwaĩbu ẽ matu kuxipa wakatsis ikaii. Haskawẽ taea matu anu kariama bebũkiri ẽ hãtxa keneshũ ẽ matu bumaiwẽ taeshũ xinaĩrakãwẽ.

2 Coríntios 10:8

Ẽ matuki hawẽtxaĩs haska Cristõ hawẽ kuxipa ea yununikiri hawa dakeama ẽ txanimis hawẽ taeshũ matu beshtekĩ txĩtũmakatsi ikama hakia hawẽ merabewakĩ nukũ Shanẽ Ibũ kuxipawẽ ikũwãmakĩ ẽ matu kuxipa wakatsis ikũkainaii.

2 Tesalonicenses 3:6

Ẽ betsabu inũ ẽ puibuũ, nukũ Shanẽ Ibu Jesus Cristõ nuku yunumiswẽ taeshũ nũ maturi yunuai, nĩkakãwẽ. “Nukubetã Jesus ikũwãkatsi ibiai tsuara nũ yusĩaĩ txibãma inũ beya bena nũ matu yusĩma danãkĩ akabumarã, ana hatukiri xinãyamakubaĩkãwẽ”, hatu dakewakinã.

2 Tesalonicenses 3:13

Ẽ betsabu inũ ẽ puibuũ, hawara daya pepa aki mã hawẽ hiwemis akirã, punu nukai hĩ ikĩ heneyamakãwẽ.