2 Tesalonicenses 3:1 - Kaxinawá Bíblia (BR)

¹ Ẽ betsabu inũ ẽ puibuũ, nũ ma matu kene keyushunai uĩrakãwẽ. Jesuskiri kakape nĩkashũ mã xinã betsa waima keska wakĩ nãta manibaunabũri habũri Jesuskiri kakape nĩkatã hau hawaira xinã betsa watã Deus kẽwãrianũbũ nũ hatu yusĩkubaunaya Deusbe hãtxakĩ kuxipa nuku yukashũkubaĩkãwẽ.

Kashinawa : Diosun Jesúswen taexun yuba bena yiniki

¹ En betsabu inun en puibuun, nun ma matu kene keyuxunai uindakanwen. Jesúskidi kakape ninkaxun man shinan betsa waima keska wakin nanta manibaunabundi jabundi Jesúskidi kakape ninkatan jau jawaida shinan betsa watan Dios kenwandianunbun nun jatu yusinkubaunaya Diosbe janchakin kushipa nuku yukaxunkubainkanwen.

2 Tesalonicenses 3:1 交叉引用

1 Tesalonicenses 5:25

Ẽ betsabu inũ ẽ puibuũ, hau nukuri merabewanũ nuku hakimama Deus nuku yukashũkubaĩkãwẽ.

Colosenses 4:3

Haska inũ, nukukiriri Deus nuku yukashũriakãwẽ, hau nukũ Shanẽ Ibũ nuku merabewaya hakiri hawẽ kakape Cristokiri Deusũ huneni shabakabi mae betsa betsapanu nũ hatu yusĩkĩ hatu unãmabaunũbunã, na haska hakiri ea nemakĩ bitxikĩ akawanibu ẽ niakirirã.

1 Coríntios 16:9

Éfeso anushũ Jesuskiri kakape yuii ẽ dayai itxapabũ ea nemai eki sinatabiaibũ Deusũ hãtxa betsabu ẽ yusĩkubainaya itxapabũri ea nĩkakanikiki.

1 Tesalonicenses 1:8

Matũ dukũ ikũwãkĩ nukũ Shanẽ Ibũ kaka pepa mã txibãkĩ hatu uĩmaya Macedônia inũ Acaia besti anuama hakia matũmebiri Deusũ hãtxa ma tapĩtã matũri mã hatu yusĩayã paai mae betsa betsapa anuabũ mã haska ikũwaĩbu habũ matu nĩkakĩ keyubaunaibũ nũ ana hawa hatuki txanitirumaki, mã ma hatu amayarã.

Hechos 19:20

Haska waibũ Shanẽ Ibu Jesusũ kaka pepa inũ hawẽ kuxipakiri betsabũ hatu unãmakĩ dasibibu hatu nĩkamakĩ keyukĩ nati anibuki.

1 Tesalonicenses 5:17

Hamapai tibikiri hawaira xinãtã Deusbe hãtxakubaĩkãwẽ.

Hechos 12:24

Haskaxĩkẽ Deusũ Messias Cristo mekenãkiri mae betsa betsapa tibi hiweabu anu hatu yuikubainaibũ nĩkakĩ ana itxapabũ Jesus ikũwãkubainaibũ

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.

1 Tesalonicenses 4:1

Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.

1 Tesalonicenses 2:13

Haska wakĩ Deusũ kakape nũ matu yusĩma nĩkakĩ hunibũ yusĩa keska mã xinãma hakia Deusũ hãtxa besti txibãkĩ xinãkĩ mã ikũwãyã hawẽ hãtxawẽ taeshũ Deusũ matu xinã betsa wamakubainimaki. Deusũ matu haska waimawẽ taeshũ nũ matu Deus kẽwãshũkubainaii.

1 Tesalonicenses 2:1

Ẽ betsabu inũ ẽ puibuũ, matu anu yusĩ kai hamẽ nũ kama ikima mã unaiĩ.

2 Coríntios 1:11

Nũ haskamiskẽ nukukiri xinãkĩ merabewakĩ Deusbe hãtxakĩ nuku yukashũkubaĩkãwẽ. Itxapabũ mã nukukiri Deus yukakubainaibũ Deusũ nuku mekekĩ duawaya itxapabũri nukukiri nĩkakĩ Deus kẽhairawatiruburiki.

Romanos 15:30

Ẽ betsabu inũ ẽ puibuũ, nukũ Shanẽ Ibu Jesus Cristowẽ ha Deusũ Yushĩ Pepã betsabuwẽ nuiti nuku inãmis haskawẽ taea mã ea hakimayamanũ ẽ matu ea akaii, ẽ daya bikakiri mã ea Deus yukashũkubainũbunã.

Hechos 6:7

Hanushũ Deusũ hãtxa Jesuskiri kakape hatu yusĩpakekubainaibũ hatũ hãtxa nĩkakĩ Jerusalém anushũ ikũwaĩ itxai pakubainaibũ ha haskaibũ habiatiãri Deusbe hawenabu hãtxashunika itxapabũri Jesus ikũwãrianibukiaki.

Lucas 10:2

hatu yuikĩ: —Ẽ tsumabũ ẽ hãtxa ikũwãkĩ txibãmisbũ hatu yusĩakeakebaunaibũ itxapabũ ea ikũwãshãkanikiki. Haskakẽ ikũ Deusũ bai anu mibã mirima ma huxĩ keyui keska dakaki. Hakia hawẽ dayakapabu eskarabeswẽ taeshũ ana dayakapabu itxapa hau yununũ bai ibu Deus ana yukakãwẽ, hawẽ yunu tsekakĩ itxawashunai keska wakĩ yurabu hau hawẽ hãtxa hatu yusĩbaunũbunã.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.