2 Reis 5:15 - Kaxinawá Bíblia (BR)

¹⁵ hawẽ yura ma shusha uĩtã Naamã inũ habe beshiãbu Eliseu anu ana txĩtũbaini haki nukunũ ibaini Eliseu tashnia nia Naamã haki kematã yuikĩ: —Nenu Israelĩ enabu anu Deus Kayabi hayaki. Ikis ẽ ikũwaiĩ. Txanima mai hirabi anu Deus betsa hayamaki. Ẽ mĩ dayaruwẽ taeshũ hawara pepa mia inãkuinũ ishũ ẽ mia ea akaii— aka

2 Reis 5:15 交叉引用

Daniel 2:47

Nabucodonosorĩ Daniel yuikĩ: —Na nama hunea tsuã atiruma ẽ mia hawa unãmakĩ yuiamabia mĩ ea tapĩmashũwẽ taea txanimahaira matũ mekenika Deus kushipakũkaĩkĩ yushibubu dasibi binuhairaikiki. Shanẽ ibubu dasibibũ shanẽ iburiki, hawara hunea hãtxa unãmamisrã— atã

2 Coríntios 9:5

Haskakẽ haska matũ pei mã bebũkiri inãkuĩkatsi mã yubayama keska wakĩ mã habũ inãriamatũ nuiama hatu inãkĩ keyukãwẽ, matũ yauxi hatu uĩmamarã. Hawara mã inãtiru hawaira mã inãnũbũ matu anu nukunabu dabe inũ besti habũ matu merabewai bunũbũ dasibi bebũkiri hatũ berubi mã pewakĩ keyunũbũ ẽ hatu nitxiaiĩ.

Romanos 10:10

Hanushũ Jesus txibãkĩ matũ huĩti merã ikũwãkĩ xinaĩ Deusũ matu ma pepawaya dateama haska shabakabi tashnimakĩ yuikĩ: “Txanima kayabi Jesus Cristõ ẽ txakabu buaniwẽ taea ẽ Shanẽ Ibuki”, ikaibu Deusũ matu hawenabu wakĩ niti akama habe matu hiwemariashanikiki.

Daniel 3:29

Natiã haska hatu merabewashu keska yushĩ betsã haska watirumawẽ taeshũ eã eskakiri ẽ yunuaii. Yurabu inũ shukuabu betsa betsapa inũ hãtxa betsa betsapa hawẽ hãtxamisbu anushũ Sadraque inũ, Mesaque inũ, Abede-Nego hatũ mekenika Deuskiri hãtxa txakabu tsuãra danaĩ shanẽ ibubũ hawẽ yura bais ashũ meshterabetã hau hatũ hiweri tekekĩ hanus mãtxĩkubaĩshanũbũwẽ— hatu watã

Isaías 45:6

bari huaikiria inũ bari hikiaikirishũ hau dasibibũ tsua ea keska hayama hau unãshanũbunã. Earã, ẽ habia Senhor Deuski, betsa hayamarã.

Isaías 44:8

Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

2 Reis 5:8

shanẽ ibũ kene uĩtã datekĩ hawẽ tari ushnishina txanibaunaibu Deusũ hãtxa yuishunika Eliseũ nĩkatã Israelĩ enabu shanẽ ibuhaira anu hau hãtxa bunũbũ: “Haskakĩ mĩ tari mĩ ushnishinamẽ? Ha huni ea anu yunuwe, hau ea uĩyununã. Hatũ ẽ Deusũ hãtxa yuishunika Israel anu ẽ hiwea hau tapĩyununã”, hatu wa bushũ shanẽ ibuhaira yuiabu,

1 Reis 18:36

Jerusalém anushũ Senhor Deus kẽwãti hiwe anushũ inabu hirabi kuaibu habiatiãri Deusũ hãtxa yuishunika Eliasĩ txi tapu dapi nishũ hui kushipawẽ yuikĩ: —Abraão inũ, Isaque inũ, Israel mekenika Senhor Deusuũ, Israelĩ enabu dasibi mekenika Deus mĩ mia inũ ẽ mĩ tsuma mĩ ea yunushinawẽ taeshũ natiã dasibi ẽ abaũshu uĩkĩ hau unãhairanũbũ ikis hatu uĩmawe!

Daniel 4:34

Nabucodonosorĩ ana yuikĩ: “Deusũ ea kupini hanu ea menekĩ dasibi ea betsa waya ea Nabucodonosor naiuri teskãtã ẽ uiãyã ẽ shinã pepa ana eki hikimakĩ kaya waya Deus kushipa hatu binu keyua hiwei ikibi ika eã duawakĩ kẽwãkĩ yuikĩ: ‘Yurabu hiwea pakubainaibu Deus shanẽ ibukũkaĩkĩ hawẽ kushipawẽ hatu yunukubaĩshanikiki, hawa beshtekei heneamarã.

1 Samuel 9:7

Saulũ kemakĩ: —Haskakenã, uinũ kawe. Hakia hawa bushũ nũ inãkuĩtirumẽ? Nukũ sakuki nũ misi beshiã ana hayamawẽ taea nũ hawa inãkĩ benimawatimaki— aka

2 Reis 19:15

“Israelĩ enabu mekenika Senhor Deusuũ, mĩ hatube yubakani hãtxa aruti bau mamaki querubin dabe tsaua anu hatu mamaki shanẽ ibu mĩ tsauaki. Nai inũ mai hirabi mĩ dami waniwẽ taea mai hirabi anu shanẽ ibu tibitũ enabu dasibi miã besti mĩ hatu yunumis mekenika Deuski, Deus betsa hayamarã.

2 Reis 19:19

Senhor Deusuũ, mia besti mĩ mekenika Deuski”, iwanã, “Mai hirabi anu yurabu shukua betsa betsapabũ hau mia unãkĩ tapĩkubaĩshanũbũ Senhor Deusuũ, mĩ nukũ mekenika Deuswẽ taeshũ ikis Assíria nawabu kushipabu nuku nemashũkĩ nuku mekekubaĩshãwẽ”, ikaya