2 Reis 5:13 - Kaxinawá Bíblia (BR)

¹³ hakia hawẽ dayarubu ha dapi bushũ yuikĩ: —Shanẽ ibuũ, Deusũ hãtxa yuishunikatũ mia merabewakĩ: “Hawara bikahairawẽ ea yunuwe”, ishũ mĩ haskakiri shinaĩ? Hawẽ hãtxa txibaĩ mĩ ikatsi ikamaki. Hakia: “Hene Jordão anu nashitãwẽ”, akĩ mia yunua nashitã mĩ shushatiruki, iwanã, mia yuishurã, hawa bikamaki. Iki kawe— akabu pes nibiabai

2 Reis 5:13 交叉引用

2 Reis 6:21

Israelĩ enabu shanẽ ibuhairatũ hatu uĩtã Eliseu yukakĩ: —Epaã, dete keyukĩ hatu tenãpa?— aka

Apocalipse 7:14

kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”

2 Reis 13:14

Mawakatsi Eliseu isĩ teneai Israelĩ enabu shanẽ ibuhaira Jeoásĩ uinũ ika kai hikia haya kashakĩ ikushũ yuikĩ: —Epaã, epaã, mĩ Israelĩ enabu mekenika kushipahairaki, huni detenamenikabu itxapa keskarã— aka

2 Reis 2:12

haskakainai Eliseũ uĩkĩ hui kushipawẽ kenakĩ: —Epaã, epaã, Israelĩ enabu mekenika cavalõ tarãbaĩti inũ hawẽ katsaubaũti cavalo detenamenikabu itxapabu ẽ uiaiĩ— atã hanua Elias haska kainima ana txĩtũkiranai uiãma inikiaki. Eliseũ Elias ana uĩtirumawẽ taea nuihairakĩ hawẽ tari ushnikĩ namakis dis atã

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

Hechos 22:16

“Haskakenã, ana hatishuĩra manama mĩ Deuskiri txakabukũkaĩmis hau mia buashunũ Jesusũ kenawẽ taeshũ ẽ mia naximai kanũ beniriwe”, ea waniki.

1 Coríntios 4:15

Natiã matũ yusĩnã 10.000tũ Cristokiri matu yusĩbiaya eã dukũ Jesus mekeakiri ẽ matu yusĩtaniwẽ taea ea dukũ ẽ matũ epa kayabi keskaki. Ea hakimayamakãwẽ.

1 Coríntios 1:27

Haskakẽ tsuabura: “Ẽ huni pepawẽ taeshũ Deusũ ea katuniki”, iwanã, xinãyamakubaĩkãwẽ. Unanepabu hawauma wakĩ dakewanũ, iwanã, Deusũ ha matu tatima waibu matu katumiski. Kuxipabu hawauma wakĩ dakewanũ, iwanã, tsuabura babubu habu hakiri petxitã yuãkĩ: “Mitanumabuki”, hatuki imisbu Deusũ matu katukubaĩriaikiki. Tsuabura yurabũ matu danãkĩ pe xinaĩsbumarã, Deusũ matu katukubaĩmiski. Dasibibu binunũ, iwanã, tsuabura yurabu haki petxitã xinaĩsbumarã, Deusũ matu katuriamiski. Haskakẽ nukũmebi nũ pepaumabiakẽ Deusũ matu katuniwẽ taea nukũ pepakiri Deus yui tsua hamebi hawa kẽtirubumaki.

1 Coríntios 1:21

Haska inũ, yura betsa betsapa unãnepabiakĩ Deus unãbumakẽ nukũ Epa Deusũ dasibi unãhairakĩ kakape nuku hatu yusĩmaya itxapabũ danãkĩ: “Tatima ikanikiki!”, ibiaibũ nũ matu yusĩayã Cristo mã ikũwaĩbu hawenabu Deusũ matu waniki, niti akamarã. Haskakĩ mã xinã betsa watã ikũwãyã matuwẽ Deus benimakũkainikiki.

João 13:8

Pedrõ ana yuikĩ: —Duawakĩ ea hutxuwe, iwanã, ẽ mia yunuamaki— aka Jesusũ nemakĩ: —Ẽ mia hutxuamarã, mĩ enabu kayabi iturumaki— aka

Mateus 23:9

Ha inũ, mai anu hiweabu binu keyua nai anu merabenã Yushĩ Epa Deus bestitxai hiwea mã hayawẽ taeshũ huni betsa Deus itsa wakĩ: “Epaã”, akĩ kenayamakubaĩshãkãwẽ.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Isaías 1:16

Matũ mekẽ mepanui perikãwẽ! Ẽ uiaĩ anua hawara txakabu mã amis henerikãwẽ! Mã txakabuwai hanũ beshtekerikãwẽ!

Salmos 51:7

Ẽ txakabu mĩ ea txuka ẽ ana txakabu hayama ishanaii. Ẽ txakabu ea txukakĩ mĩ ea shũpĩ wanã, ha matsi tãki hushupamis ẽ binushanaii, hawa ana txakabu hayamairã.

Salmos 51:2

Ibubis ẽ txakabumis ea txukashũwẽ! Eã ẽ kanemis ea tere ashũwẽ!

2 Reis 5:10

ibubis kama hãtxa bunika Eliseũ yunua kashũ Naamã Eliseũ hãtxa yuishũkĩ: “Jordão Hene anu ka bututã 7ki nashi pukutãtani txukitãwẽ. Mĩ haskaya mĩ bitxiki txamima shushai mĩ yura sakara iki mĩ shũpĩshanaii”, aka

2 Reis 5:3

shaba betsatiã ha Israelĩ enabu txipashã Naamãnẽ aĩ yuikĩ: —Ẽ tsuma mĩ benerã, Samaria anu kashũ Deusũ hãtxa yuishunika Eliseube hãtxakĩ ea aka ha bitxiki txamima shusha watiruki— aka nĩkatã hawẽ bene habias yuia nĩkariatã

Gênesis 41:43

Faraónẽ hatu haska wamatã hatu yuikĩ: —Ha cavalo tarãti dabe ẽ haya ha hawẽrua beshmas ẽ José ibuwamaii. Txipu hawena ishanikiki. Haskakẽ na habiatiã hau uĩ taewabaunũ ẽ matu yunuaii. Mã haska taewamabaĩtanũbũ ea nĩkakãwẽ. José hawẽ tarãtiki nia kaya bebũ kushibaĩkĩ hui kushipawẽ hãtxa wakĩ yura mapuabu hatu yuibaĩkĩ: “Bai tapĩshũbaini ha kai bebũ dãti ishũbaĩkãwẽ, hau hari kanunã. Hatu akubaũtãkãwẽ”— hatu wa haska hatu yunua nĩkatã José imabaunabu dasibi Egito mai pakea anu shanẽ ibui taekĩ uĩkubaunikiaki.

João 9:7

yuikĩ: —Siloé hanu ũpash uke merã habai anu mixki pukĩnibu anu ũpash tsauwa anu ka betxukitãwẽ— akarã, nukũ hãtxawẽ Siloé yuiarã, ‘Hari yunuaki’, Jesusũ hãtxa nĩkakĩ ikũwaĩ benikaini ka betxukia bepeshetã uĩbaini inũ kakẽ

1 Samuel 24:11

Saulũ tari kesha meshteshu sanãshũ uĩmakĩ ana yuikĩ: —Uĩhairawe, ẽ shanẽ ibũ, mĩ sãpu tari kesha ẽ mia meshtẽshu ẽ mekẽnẽ ẽ tsumarã. Ẽ mia tenãti pe ishuki. Mĩ tari kesha besti ẽ mia meshtẽshuki. Ẽ mia haska besti washuwẽ taeshũ ẽ mia txakabuwakatsi ikama inũ ẽ mia atxitirubia emebi txakabukĩ ẽ mia hawa parãma mĩ unãriaii. Ẽ mikiri haskabiakẽ miã ea tenanũ, iwanã, benakĩ mĩ ea txibãkubaĩmiski.

1 Samuel 28:23

Saulũ pikatsi ikamabiakẽ hawẽ shanẽ ibu beshmasbu inũ aĩbũ pimanũ, iwanã, “Menã piriwe. Menã piriwe”, akawãbu atimas Saulũ hatu yuikĩ: —Peki. Ẽ piaii— itã unãshubira benikauã dakatiki tsauyukẽ

1 Samuel 9:10

Hawẽ dayarũ hãtxa nĩkatã Saulũ yuikĩ: —Haska mĩ shinaĩ peki. Hanu kanãwẽ— aka hanu Deusũ hãtxa yuishunika hiwea anu bui