2 Reis 18:28 - Kaxinawá Bíblia (BR)

²⁸ nishũ habias Hebreu hãtxa kushipawẽ ana hatu yuikĩ: —Assíria nawa shanẽ ibuhaira Rabsaquẽ eska matu yuikiki. Nĩkahairakãwẽ.

2 Reis 18:28 交叉引用

Apocalipse 19:6

Hanushũ ẽ nĩkaya yura mirimabu hãtxai hene diri ikai keskawẽ inũ tĩ ikaĩkainai keskawẽ yuikĩ: “Aleluya! Nukũ Epa Deus kuxipahaira dasibi binu keyua ha bestitũ nuku dasibi mekei ma shanẽ ibui taeikiki. Pehairaki. Kẽwanãkãwẽ.

Esdras 7:12

“Ẽ ea Artaxerxes shanẽ ibuhairatũ shanẽ ibubu itxapa ẽ hatu yunukubainai Deus nai anuatũ yunuti hãtxa unãhairai hawenabu Deusbe hãtxashunika Esdras hau unanuma kakũkaĩshanũ, iwanã, ẽ hakiri matu shinãmaii.

2 Reis 18:19

Assíria nawa detenamenikabu shanẽ ibu Rabsaquẽ hatu yuikĩ: —Assíria nawa shanẽ ibu kushipahairatũ hãtxa matũ shanẽ ibu Ezequias eska yuishũtãkãwẽ: “Haratutũ mia merabewai, mĩ haki txiti ika ikai?

2 Reis 18:17

hatũ prata mane inũ hatũ ouro mane inã bibiatã hawa daeama haki sinatai heneama Jerusalém txakabuwanũ, iwanã, Laquis anua hawẽ detenamenikabu shanẽ ibu kushipa Tartã inũ, hawẽ merabewanika haki txiti ika inũ, shanẽ ibu beshmas kushipa betsari hawẽ detenamenikabu mirimabe Ezequias anu Assíria nawa shanẽ ibu Senaqueribẽ hatu yunua bui Jerusalém dapi hikitã pashku debu mishkiwẽ buyabaĩkĩ ũpash hababaĩti wanibu dapi inũ hanu kashũ tari patsamisbu bai ka dapi hatũ tari hiwe pũtebaũshina

2 Reis 18:27

hakia Assíria nawa detenamenika shanẽ ibũ hatu ana yuikĩ: —Matũ tsuma inũ matu besti anu Assíria nawa shanẽ ibuhairatũ ea yunuamaki. Haska ẽ dama yuishurã, mishki kenebaunibu anu mapushũ hau habũri nĩkarianũbũwẽ. Habia mã nĩkai keskari nĩkatã habubetã nuitapakĩ ibubis matũ pui pikĩ matũ isũ mã ariakubaĩshanaii, ma matũ maewã nũ atxi keyukenã— iwanã,

2 Reis 18:29

“Ẽ kushipawẽ matu detekĩ ẽ matu itxakawai haska washũ matũ shanẽ ibu Ezequiasĩ matu pashawatirumaki. Hawẽ txani hãtxawẽ matu paraĩ ana nĩkayamakãwẽ.”