2 Reis 18:26 - Kaxinawá Bíblia (BR)

²⁶ Hilquiasĩ bake Eliaquim inũ, Sebna inũ, Joá kemakĩ yuikĩ: —Nũ mia ea akaii. Arameu hãtxawẽ nukube hãtxawe, nũ nĩkairã. Mishki kenebaunibu mamaki manishũ nukunabũ nĩkakanikiki. Haskawẽ taea Hebreu hãtxawẽ nukube hãtxayamawe— akabu

2 Reis 18:26 交叉引用

Daniel 2:4

hatũ Siríaco hãtxawẽ unanepabũ hatũ shanẽ ibu yuikĩ: —Shanẽ ibuũ, habi mĩ hiweyukũkaĩshanaii, hawa beshtekeamarã! Nũ mĩ dayarurã, harakiri mĩ namashina nuku yuiwe, haskara hawẽ shinã nũ mia yuikĩ tapĩmairã— akabu

2 Reis 18:18

shanẽ ibu Ezequiasbe hãtxanũ, iwanã, kenabu ha kama hawẽ merabewanikabu Hilquiasĩ huni bake Eliaquim hatũ shanẽ ibũ hiwe mekeshũmis inũ, Sebnã shaba tibi ikaibu hatũ kenekubaĩmis inũ, Asafẽ huni bake Joá shanẽ ibu keneshunika Assíria nawa shanẽ ibu beshmasbube hãtxanũ ika, Jerusalém anua tashnibaĩ hatuki nukuabu

2 Reis 18:25

Ha inũ, na mai pakea txakabuwakĩ yamawanũ, iwanã, matukiri Senhor Deus ẽ yukama ikima dabanẽ mĩ shinaĩ? Txakabuwakĩ yamawakĩ keyutãkãwẽ, iwanã, txanima Senhor Deusũ ea yunuimaki”, haska ẽ shanẽ ibuhairatũ ea yuishinaki. Hawẽ hãtxa nĩkahairakãwẽ— hatu wa

2 Reis 18:27

hakia Assíria nawa detenamenika shanẽ ibũ hatu ana yuikĩ: —Matũ tsuma inũ matu besti anu Assíria nawa shanẽ ibuhairatũ ea yunuamaki. Haska ẽ dama yuishurã, mishki kenebaunibu anu mapushũ hau habũri nĩkarianũbũwẽ. Habia mã nĩkai keskari nĩkatã habubetã nuitapakĩ ibubis matũ pui pikĩ matũ isũ mã ariakubaĩshanaii, ma matũ maewã nũ atxi keyukenã— iwanã,

2 Reis 18:37

hanushũ Eliaquim hatũ shanẽ ibũ hiwe mekemis inũ, Sebnã shaba tibi ikaibukiri keneshũkubaĩmis inũ, Asafẽ bake Joá shanẽ ibu keneshunikatũ hatũ hãtxa nĩkatã huĩti nishmahairatã hatũ tari ushnibaini haska Assíria detenamenika shanẽ ibu Rabsaquẽ ma hatu yuishu Ezequiaski txanikĩ yuitanũ ika Jerusalém anu hikibaĩ yuinibukiaki.