3 Haskawẽ taea ẽ huai hawa piti mĩ hayamẽkaĩ? Hatira misi mĩ haya 5 besti ea inãyuwe— aka
Deusbe hawenabu hãtxashunika Aimelequẽ Davi kemakĩ: —Dasibitũ ha misi pimisbu ẽ hayamaki. Deuski nukuti tari hiwe anu hawẽ kẽwãti misi meribi besti ẽ hayaki. Uatiã mibe beshiãbu ana hatũ aĩbe txutanameriabumakẽ hau pinũbũ ẽ mia inãtiruki— aka
Davĩ parãkĩ yuikĩ: —Nukũ shanẽ ibuhairatũ ea yunukĩ: “Hawara pewatãwẽ”, ea akĩ yunushina hau tsuã unãyamanũ ea nitxiã hukĩ haratura ea yunua ẽ beai ẽ unãmaki. Hamẽ huni ẽ merabewanikaburã, ha mae anu hau eki nukui benũbũ hanu ẽ hatu yuibirãshinaki.
