1 Samuel 20:24 - Kaxinawá Bíblia (BR)

^24-25 Davi hune kaĩ bai anu hunei kakẽ ushe benatiã besikĩ pinũ ika hanu shanẽ ibu tsaushũ pi beyamis anu keneki tabia tapu anu Saul tsaua ha tapu bebũ Jônatas tsaua hanua Saul dapi Abner tsaua betsa anu Davi hanu tsaushũ pimis shakakẽ

1 Samuel 20:24 交叉引用

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Provérbios 17:1

Besikĩ piti itxawashũ pibiai sinatai detenameyabi betsabu hiwemisbuki. Hamẽ misi natiãma bawaima kushi besti pibiai unanuma hiwekĩ hatu binumisbuki.

Provérbios 15:17

Sinatai dakekenãkĩ awa nami pepa hatumesti pikubaĩmisbuki. Hakia betxipainamekĩ yunu besti haya pikinã, ha piti pepa pimisbu hatu binuhairabuki.

João 18:28

hanushũ Caifásĩ Jesus yukakĩ keyutã penaya Romano shanẽ ibu Pilatõs hiwe ewapa anu Jesus hau iyutanũbũ Romano soldadobu yunuaya judeu shanẽ ibubũ xinaĩ: “Nawã hemaĩtĩ anu hikia Moisés nuku yusĩniwẽ taea nawã detsiswẽ txakabutã ana Páscoa nawai besikĩ ẽ pitirumaki”, iki pepai nawayukatsi hikiabuma

Provérbios 21:27

Huni txakabubũ shinã txakabiakĩ Senhor Deus daewanũ, iwanã, inabu sheni hatu kuamakĩ ha huni txakabubũ inãbiabu Senhor Deusũ hatu danãkĩ betxipaismaki.

1 Samuel 20:5

Davĩ kemakĩ yuikĩ: —Eska ẽ shinaiĩ. Meshukiri ushe bena tashniaitiã besikĩ mĩ epa shanẽ ibuhairabe tsaushũ ẽ pimiski. Hanu habetã nũ piaitiã ẽ hawẽ dateaii. Ua meshukiri bari kariama bai anu ẽ huneyukatsis ikai ea nemayamawe.

1 Samuel 20:23

Na haska nũ yubakashu Senhor Deusũ nuku nĩkatã shinãpakeshanikiki— aka