1 Samuel 14:42 - Kaxinawá Bíblia (BR)

⁴² haskaya Saulũ ana hatu yunukĩ: —Ẽ bake Jônatasmẽkaĩ, ẽ eamẽkaĩ, nuku unãkĩ hawẽ unãti ana nuku anu kaĩmawe— aka unãti wati bia Jônatas hatu unãmai haki tashniaya

1 Samuel 14:42 交叉引用

1 Samuel 14:41

hãtxa kushipawẽ Saulũ Senhor Deus yuikĩ: —Israelĩ mekenika Senhor Deusuũ, mĩ dayarũ mia yukabia haskakĩ mĩ ea hawa kemamamẽ? Ẽ kaneamẽkaĩ, ẽ bake Jônatasã kaneamẽkaĩ, hawẽ unãti Urim hau haki tashninũwẽ. Hakia Israelĩ enabu minaburã, habũ kaneamẽkaĩ, hawẽ unãti Tumim hau hanu tashninũwẽ— akaya Jônatas inũ Saul anu unãti watã Urim bia kaiãyã hawẽ hatu unãti waya Israelĩ enabu kaneabuma hatuki pe kaiãyã

1 Samuel 14:43

haskaya Saulũ Jônatas yunukĩ: —Hawara mĩ kanebirana shabakabi ea yuiwe— aka Jônatasã shabakai txanikĩ: —Txanimaki. Buna bata betxitã ẽ hashi hawẽ debuwẽ besti pukutã eskarabes ẽ me bestibirãshinaki. Ẽ haska wabirãshinawẽ taearã, dateama ẽ mawatiruki— aka

Jonas 1:7

habiatiãri shashu bunikabu yuinamei: —Tsua txakabukirani huawẽ taeshũ nuku akimẽkaĩ. Hawẽ hamapai unãti shau meshte númeroya putanãkãwẽ, tsuki tashnimẽkainã?— iwanã, unãti putabu Jonas txakabukirana haki tashniai hatu unãma

Josué 7:18

hanushũ Zabdi enabu anua hiwe ibu bestibu tibi Josué hatu itãtana Judá enabu Carmi bake Acã hawẽ hutxi Zabdi inũ, hawẽ epã hutxi Zerárã, Senhor Deusũ katukĩ Josué unãmanikiaki.

Provérbios 16:33

Hunibũ hamapai bikatsi hawẽ hamapai unãti shau meshte númeroya ureãbu haratukira número kaiaĩ Senhor Deusũ katukĩ hatu unãmamiski.

Provérbios 18:18

Shuku dabetũ shinã dabe wai ha ikaibu haratura pe hatu unanũ, iwanã, hawẽ henekĩ tapĩkatsi huni betsã unãti númeroya urẽkĩ Senhor Deusũ haska betxipaiai hatu yunuai tapĩtirubuki.