1 Reis 10:5 - Kaxinawá Bíblia (BR)

⁵ shanẽ ibũ tapu anushũ piti pepa betsa betsapa hatu pimakubaĩmis uĩriakĩ hanu hawẽ unanepa shanẽ ibu beshmasbu pe hiwemisbu uĩ keyubaũkĩ hawẽ dayarubũ tari hawẽrua saweria habũ pe shinaĩ dayashũkubaĩmisbu uĩriakĩ shanẽ ibũ piti inũ hawẽ neshuti hawẽ tenãti dau hayamẽkaĩ, iwanã, ha dukũtũ pikĩ meshũmis unãtã shanẽ ibu pimakĩ neshumakĩ akubaĩmisbu uĩriakĩ, Senhor Deus kẽwãti hiwe bebũ txashuwã tesẽshũ txiwẽ hawẽ yura hirabi kuakĩ Salomãonẽ akubaĩmis dasibi haska sharabu uĩ keyutã haska wamis uĩkĩ shinaĩ hashpa daka e ikũkaĩkĩ

1 Reis 10:5 交叉引用

Josué 5:1

Israelĩ enabu hau Hene Jordão pukenũbũ Senhor Deusũ nemakĩ hatu netsushũshĩkẽ bari hikiaikiria Amorreu nawabu shanẽ ibubu inũ Ianẽwã Mediterráneo kesha anu hiwebaunabu Canaã nawabu shanẽ ibubu dasibibũ hatukiri nĩkatã mẽtsisipa detenamenikabubia hatũ huĩti nishmai Israelĩ enabuki datei punu nukai ana kushipa hayabuma Israelĩ enabube detenamekatsi ikama inibukiaki.

Lucas 18:10

—Templo hemaĩtĩ anu huni dabe Deusbe hãtxai bua mapuabukiri matu yuinũ nĩkakãwẽ. Ha huni daberã, betsa Moisés yusĩa inũ hawẽ shenipabu betsabũ yusĩa txibãhairamis fariseuki. Ha inũ, betsarã, Romanawa shanẽ ibu pei bishunikaki.

1 Reis 10:4

Salomãonẽ unanepa hãtxa nĩkatã hanushũ hawẽ hiwe hawẽrua ewapahaira waima uĩ keyutã

1 Reis 10:6

aĩbu shanẽ ibuhairatũ Salomão kẽwãkĩ yuikĩ: “Mĩ unanepa hãtxa inũ haska hawara sharabu mĩ pewakubaĩmiskiri ẽ mae pakea anushũ ea yuiabu ẽ mikiri nĩkakubainimarã, mĩ txanimaki.