Sòm 93:1 - Bib Sen An: Kreyòl Ayisyen

¹ SENYÈ a renye! Li abiye an majeste! SENYÈ a te abiye Li ak fòs. Anverite, mond lan etabli byen solid. Li pa ebranle menm.

1998 Haïtienne

¹ Senyè a ap gouvènen. Gade jan li gen pouvwa! Gade jan li gen fòs! Latè kanpe fèm nan plas li, anyen pa ka brannen l.

Sòm 93:1 交叉引用

1 Kwonik 16:30

Tranble devan Li, tout latè. Anverite, lemond etabli byen solid. Li p ap deplase menm.

1 Kwonik 16:31

Kite syèl yo kontan e kite lemond rejwi:

1 Kwonik 29:12

Ni richès, ni onè se nan Ou yo sòti, e Ou regne sou tout. Nan men Ou se pouvwa ak pwisans. Se nan men W pou fè moun pwisan, e pou bay tout moun fòs.

Jòb 40:10

Abiye ou menm ak mayifisans ak grandè. Mete sou ou lonè ak laglwa.

Sòm 103:19

SENYÈ a te etabli twòn li nan syèl la e souverènte li regne sou tout bagay.

Sòm 145:13

Wayòm Ou an se yon wayòm etènèl e règn Ou an dire pou tout jenerasyon yo.

Sòm 18:32

Bondye ki mare senti m ak fòs, epi fè chemen mwen san fot la?

Sòm 59:13

Detwi yo nan kòlè Ou! Detwi yo pou yo disparèt nèt. Pou Moun kab konnen se Bondye k ap renye sou Jacob, jis rive sou tout latè. Tan

Sòm 65:6

Ki etabli mòn yo pa pwisans Ou, Akoz Ou pran zam pwisans Ou.

Sòm 65:7

Ou kalme raj vag lanmè yo, Avèk gwo boulvèsman lanm yo.

Sòm 75:3

Latè avèk tout sa ki ladann souke. Se Mwen menm ki kenbe pilye li yo.” Tan

Sòm 96:10

Pale pami nasyon yo, “SENYÈ a renye.” Anverite, mond lan etabli byen solid. Li p ap ebranle menm. SENYÈ a va jije pèp yo avèk jistis.

Sòm 97:1

SENYÈ a renye, kite latè rejwi! Kite tout lil yo fè kè kontan!

Sòm 99:1

SENYÈ a renye! Kite pèp yo pran tranble. Li plase twòn Li an anwo cheriben yo. Kite latè pran tranble!

Ezayi 11:5

Anplis, ladwati va sentiwon an ki antoure ren Li e fidelite va sentiwon ki pase nan senti Li a.

Ezayi 45:12

Se Mwen ki te fè latè e te kreye lòm sou li. Mwen te lonje ouvri syèl yo ak men M e mete tout lame selès pa yo an lòd.

Ezayi 45:18

Paske SENYÈ a ki te kreye syèl la ak tè a, Dye la ki te fòme tè a e ki te fè l la; Ki te etabli li, e Li pa t kreye li vid, men te fòme l pou moun ka viv ladann di: “Mwen se SENYÈ a. Nanpwen lòt.

Ezayi 49:8

Konsa pale SENYÈ a, se nan yon tan konvenab, ke M te reponn Ou. Nan jou sali a, Mwen te bay Ou sekou. Mwen va kenbe Ou e bay Ou kon yon akò pou pèp la, pou restore peyi a, e pou fè yo posede eritaj dezole yo.

Ezayi 51:16

Mwen te mete pawòl Mwen nan bouch ou e te kouvri ou avèk lonbraj men Mwen, pou etabli syèl yo, fonde latè a e pou di a Sion: ‘Ou se pèp Mwen.’”

Ezayi 51:9

“Leve, leve, mete fòs sou Ou, O bra SENYÈ a; leve tankou nan jou lansyen yo. Èske se pa t Ou menm ki te koupe Rahab an ti mòso a, ki te frennen dragon an nèt la?

Ezayi 52:7

A la bèl sou mon yo, se pye a sila ki pote bòn nouvèl la, ki anonse lapè, ki pote bòn nouvèl k ap fè kè kontan, ki anonse Sali, ki di a Sion: “Bondye pa ou a renye!”

Ezayi 59:17

Li te abiye ak ladwati kon pwotèj lestomak, e ak kas sali a sou tèt Li. Li te mete vètman vanjans kon abiman, e te vlope tèt Li ak zèl, kon manto Li.

Ezayi 63:1

Se kilès sa ki sòti Edom an, avèk vètman Botsra byen kolore a? Kilès sila a, ak abiman majeste Li, k ap mache nan grandè ak fòs li a? “Se Mwen menm ki pale nan ladwati, ki pwisan pou delivre a.”

Matye 6:13

Epi pa mennen nou nan tantasyon, men delivre nou de mal. Paske wayòm nan, pouvwa a, avèk glwa a se pou Ou menm pou tout letènite. Amèn.’

Ebre 1:8

Men a Fis la, Li di: “Twòn pa Ou a, O Bondye, se pou Tout tan e pou tout tan. E otorite san patipri a se otorite wayòm Li an.

Revelasyon 19:6

Answit, mwen te tande yon bagay tankou vwa a yon gran foul, tankou son a anpil dlo, tankou gwo bri a anpil kout tonnè, ki t ap di: “Alelouya! Paske Senyè a, Bondye nou an, Toupwisan an renye.