Sòm 68:21 - Bib Sen An: Kreyòl Ayisyen

²¹ Anverite, Bondye va kraze tèt lènmi Li yo, tèt la menm ak cheve a sila ki pèsiste nan mechanste li yo.

1998 Haïtienne

²¹ (22) Bondye gen pou l kraze tèt lènmi li yo. Wi, li gen pou l kraze zo bwa tèt moun k'ap viv nan peche.

Sòm 68:21 交叉引用

Sòm 110:6

Li va jije pami nasyon yo. Li fè gwo pil kadav yo, Li va brize tèt a chèf tout latè a.

Sòm 55:23

Men Ou menm, O Bondye, va rale yo desann nan fòs destriksyon an. Moun ki vèse san e ki bay manti p ap rive fè mwatye nan jou yo. Men mwen menm va mete konfyans nan Ou.

Sòm 68:18

Ou te monte an wo. Ou te mennen kaptif yo sòti. Anplis, Ou te resevwa kado pami lòm, menm pami rebèl yo tou, pou SENYÈ a, Bondye a, kapab abite la.

Sòm 7:12

Si yon nonm pa repanti, La p file nepe Li. Li deja koube banza Li; Li prèt.

Sòm 91:3

Paske se Li menm ki delivre ou soti nan pèlen a chasè a, ak ravaj gwo maladi yo.

Egzòd 14:13

Men Moïse te di a pèp la: “Pa pè anyen! Kanpe la pou wè delivrans SENYÈ a va acheve pou nou jodi a. Paske Ejipsyen yo ke nou wè jodi a, nou p ap wè yo ankò jiska jamè.

Ezayi 12:2

Gade byen, Bondye se delivrans mwen. Mwen va fè Li konfyans e mwen pa pè, paske SENYÈ BONDYE a se fòs mwen ak chan mwen; se Sila ki te devni sali mwen an.”

Abakik 3:13

Ou te soti pou delivrans a pèp Ou a, pou sali pèp onksyon Ou an. Ou te frape tèt peyi mechanste an. Ou te ekspoze li nèt, depi nan kwis li pou rive nan kou l. Selah.

Mak 12:4

Ankò li te voye yon lòt esklav. Yo te blese li nan tèt, e te maltrete l byen maltrete.

Lik 13:5

“Mwen di nou non, men amwenske nou repanti, nou tout va peri menm jan an.”

Ebre 12:25

Fè si ke nou pa refize Sila k ap pale a. Paske si sa yo pa t chape lè yo te refize li menm ki te avèti yo sou latè a, konbyen mwens nou va chape nou menm ki vire kite Sila ki avèti nou depi nan syèl la.