Sòm 55:17 - Bib Sen An: Kreyòl Ayisyen

¹⁷ Nan aswè, nan maten ak midi, mwen va plenyen e bougonnen. Li va tande vwa m.

1998 Haïtienne

¹⁷ (18) Maten, midi, aswè, m'ap plenyen, m'ap plenn. L'a tande vwa mwen.

Sòm 55:17 交叉引用

Jòb 19:7

“Gade byen, mwen kriye: ‘Vyolans!’ Men nanpwen repons. Mwen rele sekou! Men nanpwen jistis.

Sòm 119:62

A minwi, mwen va leve bay Ou remèsiman, akoz òdonans dwat Ou yo.

Sòm 141:2

Ke lapriyè mwen kapab konte kon lansan devan Ou; lè m leve men m, kon sakrifis ofrann aswè a.

Sòm 72:12

Paske li va delivre malere a lè l kriye sekou; aflije a tou, lè l san soutyen an.

Sòm 77:2

Nan jou gwo twoub mwen an, mwen te chache SENYÈ a. Nan nwit, mwen te lonje men m san poze. Nanm mwen te refize rekonfòte.

Sòm 88:13

Men anvè Ou, O SENYÈ, mwen te kriye. Nan maten, lapriyè mwen vini devan Ou.

Sòm 92:2

pou deklare lanmou dous Ou nan maten avèk fidelite Ou nan lannwit,

Lamantasyon 3:8

Menm lè m kriye e rele sekou, Li fèmen lapriyè m deyò.

Danyèl 6:10

Alò, lè Daniel te konnen ke dokiman an te fin siyen, li te lantre lakay li (alò, nan chanm anwo a, te gen fenèt ki te ouvri vè Jérusalem), epi li te mete li sou jenou li twa fwa pa jou, pou fè lapriyè, e bay remèsiman devan Bondye li a, jan li te kon fè oparavan an.

Danyèl 6:13

Epi yo te reponn, e te pale devan wa a: “Daniel, ki se youn nan egzile ki soti Juda yo pa okipe ou, O wa, ni dekrè ke ou te siyen an, men kontinye fè petisyon li yo twa fwa pa jou.”

Mak 1:35

Nan granmmaten, pandan li te toujou fènwa, Li te leve e te ale deyò nan yon kote izole kote li t ap priye.

Mak 6:46

Lè Li fin di yo orevwa, Li te ale nan mòn nan pou priye.

Mak 6:48

Lè L te wè yo t ap fè fòs sou zaviwon yo akoz van an te kont yo, nan anviwon katriyèm è nan aswè, Li te vin kote yo ap mache sou lanmè a, kòmsi Li te gen entansyon ale devan pou kite yo dèyè.

Travay 10:3

Anviwon nevyèm è nan jounen an, li te wè byen klè nan yon vizyon, yon zanj Bondye ki te vin kote li e te di l: “Corneille!”

Travay 10:30

Corneille te di: “Kat jou pase jis nan menm lè sa a, mwen t ap fè jèn e priye lakay mwen nan nevyèm è a; epi vwala yon nonm te kanpe devan mwen avèk vètman ki t ap briye.

Travay 10:9

Nan jou apre a, pandan yo te nan chemen yo, ap pwoche vil la Pierre te ale sou do kay la nan anviwon sizyèm è pou priye.

Travay 3:1

Alò, Pierre avèk Jean t ap monte nan tanp lan vè nevyèm è, lè lapriyè.

Efezyen 6:18

Avèk tout lapriyè ak siplikasyon, priye nan Lespri a tout tan, e avèk tout sa an konsiderasyon, rete vijilan avèk tout pèseverans ak siplikasyon pou tout fidèl yo.

1 Tesalonisyen 5:17

Priye san rete.

Ebre 5:7

Nan jou lachè Li yo, Li te ofri priyè, siplikasyon avèk gwo kriye ak dlo nan zye a Sila sèl ki ta kapab sove Li soti nan lanmò a, e Li, Bondye, te tande akoz de sentete Li.