Sòm 45:16 - Bib Sen An: Kreyòl Ayisyen

¹⁶ Nan plas a papa zansèt ou yo, va gen fis ou yo. Ou va fè yo prens sou tout latè.

1998 Haïtienne

¹⁶ (17) Monwa, pitit ou yo va chita kote zansèt ou yo te chita a. W'ap mete yo chèf sou tout latè.

Sòm 45:16 交叉引用

Sòm 22:30

Jenerasyon yo va sèvi Li. Yo va pale de SENYÈ a a desandan yo k ap vini an.

Matye 19:29

“Tout moun ki kite kay yo oubyen frè yo oubyen sè yo, papa, Manman, zanfan, oubyen tè pou koz a Non Mwen, ap resevwa anpil fwa sa a, e va eritye lavi etènèl.

1 Pyè 2:9

Men, nou se yon ras chwazi, yon lòd prèt wayal, yon nasyon sen, yon pèp pou pwòp posesyon Bondye, pou nou kapab pwoklame ekselans a Li menm ki te rele nou sòti nan tenèb la pou vini nan limyè glwa Li a.

Revelasyon 1:6

epi Li te fè nou vin yon Wayòm, prèt a Bondye e Papa Li a. A Li menm laglwa, ak règn pou tout tan e pou tout tan. Amen.

Revelasyon 20:6

Beni e sen se sila ki gen yon pati nan premye rezirèksyon an. Sou sila yo, dezyèm lanmò a pa gen pouvwa, men yo va touprè a Bondye e a Kris, e va renye avèk Li pandan mil ane yo.

Revelasyon 5:10

Ou te fè nou vin wa ak prèt yo a Bondye nou an; epi nou va renye sou tè a.”