Sòm 44:10 - Bib Sen An: Kreyòl Ayisyen

¹⁰ Ou fè nou vire fè bak devan advèsè a, epi sila ki rayi nou yo fè piyaj pou kont yo.

1998 Haïtienne

¹⁰ (11) Ou fè nou kouri devan lènmi nou yo. Moun ki pa vle wè nou yo ap piye nou alèz.

Sòm 44:10 交叉引用

Sòm 60:12

Nan Bondye, nou va fè bèl bagay yo ak gwo kouraj. Se Li menm ki va foule lènmi nou yo anba pye.

Sòm 89:39

Ou te desann e rejte akò a sèvitè ou a. Ou te pwofane kouwòn li an nan pousyè.

Sòm 89:41

Tout moun ki pase akote piyaje li. Li devni yon objè abominab pami vwazen li yo.

Sòm 89:43

Anplis, ou te plwaye lam nepe li a, e fè l pa kanpe pou batay la.

Ezayi 10:14

Epi men m te lonje desann jis li rive nan richès a pèp la kon yon nich, e tankou yon moun ta ranmase ze ki abandone, se konsa mwen te ranmase tout latè. Konsa, pa t gen youn nan yo ki te bat zèl li, oswa te ouvri bèk li, ni ki te kriye.”

Ezayi 10:6

Mwen voye li kont yon nasyon ki san Bondye e Mwen bay li komisyon kont pèp k ap resevwa kòlè Mwen an, pou kaptire piyaj yo, sezi byen yo, e pou foule yo anba tankou labou nan lari.

Jeremi 15:13

Mwen va bay gwo richès ou ak trezò ou yo, kon piyaj ki san frè; sa a, konsa, pou tout peche ou yo, menm anndan tout lizyè ou yo.

Jeremi 20:8

Paske chak fwa ke m pale, mwen kriye fò; mwen pwoklame vyolans ak destriksyon! Konsa, pawòl SENYÈ a te fè m resevwa repwòch. Mwen pase nan rizib tout lajounen.

Levitik 26:14

“Men si nou pa obeyi Mwen e pa akonpli tout kòmandman sa yo,

Levitik 26:17

Mwen va mete figi Mwen kont nou jiskaske nou vin frape devan lènmi nou yo. Sila ki rayi nou yo va domine sou nou, e nou va kouri sove ale menm lè pa gen moun k ap kouri dèyè nou.

Nonb 14:42

Pa monte, oswa nou va frape devan lènmi nou yo, paske SENYÈ a pa pami nou.

Nonb 14:43

Paske, moun Amalec yo ak Kananeyen yo va la devan nou, e nou va vin tonbe anba nepe, akoz ke nou te vire an aryè kite SENYÈ a. Konsa, SENYÈ a p ap avèk nou.”

Detewonòm 28:25

“SENYÈ a va lakoz ke nou vin bat devan lènmi nou yo. Nou va sòti yon direksyon kont yo e nou va sove ale nan sèt direksyon devan yo. Konsa, nou va jete ale retou pami tout wayòm latè yo.

Detewonòm 31:17

Alò, kòlè Mwen va vin limen kont yo nan jou sa a, Mwen va abandone yo e kache figi Mwen a yo menm. Yo va detwi e anpil malè va rive sou yo, jiskaske yo va di nan jou sa a: ‘Èske se pa paske Bondye nou an pa pami nou ke malè sa yo vin rive sou nou?’

Jozye 7:12

Pou sa, fis Israël yo pa kapab kanpe devan lènmi yo. Yo vire do yo devan lènmi yo, paske yo te vin modi. Mwen p ap avèk nou ankò amwenske nou detwi bagay ki anba ve soti nan mitan nou yo.

Jozye 7:8

O SENYÈ, kisa mwen kapab di lòske Israël te vire do yo devan lènmi yo?

1 Samyèl 4:17

Konsa, sila ki te pote nouvèl la te reponn: “Israël te sove ale devan Filisten yo, e te genyen osi, yon gwo masak pami pèp la. Anplis, de fis ou yo, Hophni avèk Phinées mouri, e lach Bondye a te kaptire.”