Sòm 39:5 - Bib Sen An: Kreyòl Ayisyen

⁵ Gade byen, Ou te fè jou mwen yo kontwole tankou lajè a men m ki louvri. Lavi mwen konsi li pa anyen devan zye Ou. Anverite, lavi chak moun, se yon sèl grenn souf.

1998 Haïtienne

⁵ (6) Gade, mwen konte jou ki rete m pou m viv yo sou dwèt mwen. Lavi m tankou anyen devan ou. Wi, tout moun ki vivan, se tankou lafimen yo ye.

Sòm 39:5 交叉引用

Jenèz 47:9

Konsa, Jacob te di a Farawon: “Lane lavi m yo sou latè se san-trant. Pa anpil, e degoutan se te ane lavi m yo. Ni yo pa menm fòs avèk lane ke zansèt mwen yo te viv pandan jou lavi pa yo.”

2 Samyèl 19:34

Men Barzillaï te di a wa a: “Se pou konbyen de tan ke m ap viv toujou pou m ta monte ak wa a Jérusalem?

Jòb 7:6

Jou m yo mache pi vit ke mach aparèy tise a. Yo fini sanzespwa.

Sòm 144:4

Lòm se tankou yon sèl souf. Jou li yo se tankou yon lonbraj k ap pase.

Sòm 39:11

Avèk repwòch, Ou fè chatiman a yon nonm pou inikite li. Ou manje tankou mit nan rad sa ki konsidere pi chè pou li menm nan. Anverite, tout moun se sèlman yon souf.

Sòm 62:9

Moun nan pozisyon ba yo se se sèl yon souf nan van. Moun ki plase wo yo se manti. Nan pèz balans yo, se monte, yap monte. Ansanm menm, yo pi fay ke yon souf.

Sòm 89:47

Sonje longè lavi mwen genyen tèlman kout ke li tankou yon foli! Se Ou ki te kreye tout fis a lòm yo!

Sòm 90:12

Pou sa, montre nou jan pou konte jou nou yo, pou nou kab ofri Ou yon kè ki plen sajès.

Eklezyas 1:2

“Vanite sou vanite”, predikatè la di: “Vanite sou vanite! Tout se vanite.”

Eklezyas 2:11

Konsa, mwen te konsidere tout zèv men m te konn fè yo, avèk travay ke m te fòse fè yo, men gade byen, tout te vanite ak kouri dèyè van, e pa t gen okenn avantaj anba solèy la.

Ezayi 40:17

Tout nasyon yo se konsi yo pa anyen devan L, Li gade yo tankou mwens ke anyen, kon vanite.

Jak 4:14

Malgre, nou pa konnen kijan lavi nou va ye demen. Paske ki sa lavi ou ye? Li se sèlman yon vapè ki parèt pou yon ti moman, e answit, vin disparèt.

2 Pyè 3:8

Men pa kite sa chape de atansyon nou, byeneme yo, ke avèk Senyè a, yon jou se tankou mil ane, e mil ane se tankou yon jou.