Sòm 33:6 - Bib Sen An: Kreyòl Ayisyen

⁶ Avèk pawòl SENYÈ a syèl yo te fèt: pa souf a bouch Li, tout lame syèl yo.

1998 Haïtienne

⁶ Senyè a pale, epi syèl la fèt. Li soufle ak bouch li, tou sa ki nan syèl la fèt.

Sòm 33:6 交叉引用

Jenèz 1:1

Nan kòmansman an Bondye te kreye syèl yo ak tè a.

Jenèz 1:6

Alò Bondye te di: “Ke vin gen yon gran espas nan mitan dlo yo, e ke li separe dlo avèk dlo”.

Jenèz 2:1

Se te konsa syèl yo avèk tè a te fin fèt, avèk tout lame yo.

Jenèz 2:7

Alò Senyè Bondye a te fòme lòm sòti nan pousyè tè a. Li te respire souf lavi fè l vin antre nan nen l, e lòm te devni yon nanm vivan.

Jenèz 6:7

SENYÈ a te di: “Mwen va efase lòm ke mwen te kreye sou fas tè a, soti nan lòm jis nan tout bèt yo, ak a zwazo anlè yo. Paske mwen regrèt ke m te fè yo.”

Jòb 26:13

Ak souf Li, li dekore syèl yo. Se men L ki te frennen sèpan ki t ap sove ale a.

Jòb 33:4

Se Lespri Bondye ki te fè m, e souf Toupwisan an ki ban m lavi.

Sòm 104:30

Ou voye Lespri Ou deyò; yo vin kreye. Konsa, Ou renouvle fas tè a.

Sòm 33:9

Paske Li te pale e mond lan te fèt. Li te kòmande e li te kanpe fèm.

Jeremi 10:16

Pòsyon ki pou Jacob la pa konsa; paske Kreyatè a tout bagay se Li menm; e Israël se tribi eritaj Li. SENYÈ dèzame yo se non Li.

Jeremi 8:2

Yo va gaye yo parèt devan solèy la, lalin nan ak tout lame syèl, ke yo te renmen yo, ke yo te sèvi yo, ke yo te kouri dèyè yo, e ke yo te adore yo. Yo p ap ranmase, ni yo p ap antere; yo va rete kon fimye bèt sou sifas latè.

Jan 20:22

E lè Li te di sa, li te soufle sou yo e te di yo: “Resevwa Lespri Sen an.

Women 1:25

Paske yo te ranplase verite Bondye a ak yon bann manti, yo te adore e sèvi kreyati a olye de Kreyatè a, ki beni pou tout tan an. Amen.

Detewonòm 4:19

Veye ke nou pa leve zye nou vè syèl la pou wè solèy la, lalin avèk zetwal yo, avèk tout lame syèl la, e mennen pou adore ak sèvi yo, sila ke SENYÈ a, Bondye nou an, te chwazi pou tout lòt pèp anba tout syèl la.

Ebre 11:3

Pa lafwa nou konprann ke mond yo te prepare pa pawòl Bondye a, pouke sa nou wè pa t fèt avèk bagay ki vizib.

2 Pyè 3:5

Paske lè yo kalkile konsa a, sa vin chape de remak yo ke selon pawòl Bondye a, syèl yo te egziste depi lontan e latè te fòme avèk dlo e pa dlo.