Sòm 27:11 - Bib Sen An: Kreyòl Ayisyen

¹¹ Enstwi mwen nan chemen Ou, O SENYÈ. Mennen m nan yon wout ki a nivo, akoz lènmi mwen yo.

1998 Haïtienne

¹¹ Senyè, moutre m jan ou vle m viv la. Fè m mache nan chemen ki pa gen move pa a, paske mwen gen anpil lènmi k'ap veye m.

Sòm 27:11 交叉引用

Sòm 119:10

Ak tout kè mwen, mwen te chache Ou. Pa kite mwen vin egare e kite lòd Ou yo.

Sòm 139:24

Konsa, wè si gen okenn move chemen nan mwen e mennen mwen nan chemen etènèl la.

Sòm 25:12

Kilès nonm nan ki gen krent SENYÈ a? Li va enstwi li nan chemen li ta dwe chwazi a.

Sòm 25:9

Li dirije enb yo nan jistis, e Li va enstwi enb yo nan chemen Li.

Sòm 26:12

Pye m kanpe sou yon plas byen plat. Nan asanble a, mwen va beni SENYÈ a.

Sòm 5:8

O SENYÈ, mennen m nan ladwati Ou akoz lènmi mwen yo. Fè chemen Ou dwat devan mwen.

Sòm 5:9

Nanpwen anyen stab nan pawòl pa yo. Anndan yo se pouriti menm. Gòj yo se yon tonm ki louvri. Yo fè flatè ak lang yo.

Sòm 54:5

Li va rekonpanse mal a lènmi mwen yo. Detwi yo nan fidelite Ou.

Sòm 64:6

Yo fè manèv pou enjistis e di: “Nou prè pou yon konplo byen fòme”. Paske panse lenteryè a moun se byen fon.

Sòm 86:11

Montre m chemen Ou an, O SENYÈ. Mwen va mache nan verite Ou. Fè kè m dispoze pou krent non Ou.

Pwovèb 15:19

Wout a parese a se tankou yon ran pikan; men pa a moun dwat la se yon gran chemen.

Pwovèb 8:9

Yo byen dwat pou sila ki konprann nan, e kòrèk pou sila ki jwenn konesans lan.

Ezayi 35:8

Yon gran chemen va la, yon gran ri. Li va rele Chemen Sen an. Sila ki pa pwòp p ap vwayaje sou li, men li va sèvi pou sila ki mache nan Chemen an. Moun mechan ak enpridan an pa p mache la.

Jeremi 20:10

Paske mwen tande detripe nan zòrèy anpil moun: “Danje, danje toupatou! Denonse! Wi, annou denonse li!” Tout zanmi m ke m kon fè konfyans yo, k ap tann pou yo wè lè mwen tonbe, ap di: “Petèt nou ka mennen l, pou nou ka vin enpoze nou sou li e konsa, nou va pran vanjans sou li.”

Lik 20:20

Donk yo te veye li, e te voye espyon ki te pretann ke se te moun jis yo te ye, pou yo ta kapab kenbe Li nan yon pawòl, pou yo ta kab livre Li devan lalwa a ak otorite gouvènè a.