Sòm 18:27 - Bib Sen An: Kreyòl Ayisyen

²⁷ Paske Ou sove yon pèp aflije, men sila ak zye ki leve wo yo, Ou bese yo.

1998 Haïtienne

²⁷ (28) Ou delivre moun ki soumèt devan ou, men ou desann moun ki konprann yo pa kanmarad pèsonn.

Sòm 18:27 交叉引用

2 Samyèl 22:28

Ou fè sekou a sila ki aflije yo, men zye Ou rete sou sila ki ògeye yo, pou Ou fè yo bese.

Sòm 10:4

Mechan an nan wotè rega li, refize chache Bondye, Tout panse li se ke: “Nanpwen Bondye.”

Sòm 101:5

Nenpòt moun ki bay vwazen li kout lang an sekrè, li menm, mwen va detwi. Nenpòt moun ak rega awogan oswa ògèy, mwen p ap sipòte li.

Sòm 17:10

Yo fin fèmen kè rèd yo. Avèk bouch yo, yo pale awogans.

Sòm 17:13

Leve, O SENYÈ, konfwonte li e bese li; Delivre nanm mwen de mechan yo avèk nepe Ou,

Sòm 34:19

Anpil, se afliksyon a moun dwat la, men SENYÈ a delivre li sòti nan yo tout.

Sòm 34:6

Malere sila a te rele, e SENYÈ a te tande li, epi te sove li sòti nan tout twoub li yo.

Sòm 40:17

Akoz mwen aflije e nan gwo bezwen, kite SENYÈ a toujou sonje mwen. Se Ou menm ki soutyen mwen ak delivrans mwen. Pa fè reta, O Bondye mwen an.

Sòm 9:18

Paske malere yo p ap bliye jis pou tout tan, ni espwa a aflije yo p ap peri pou tout tan.

Pwovèb 30:12

Gen yon kalite ki san tach nan pwòp zye li; sepandan, yo poko lave pou sòti salte a.

Ezayi 10:12

Se konsa li va rive ke lè Senyè a fin akonpli tout travay Li yo sou Mòn Sion ak sou Jérusalem, Mwen va pini fwi a kè ògèy wa Assyrie a ak gwosè awogans li.

Ezayi 3:9

Vizaj figi yo fè temwen kont yo, e yo montre tout moun peche yo tankou Sodome. Yo pa menm kache sa a. Malè a yo menm! Paske yo mennen mal la vin tonbe sou yo.

Ezayi 57:15

Paske se konsa Sila ki wo e egzalte, Sila ki viv jis pou tout tan an, non a Li se Sila ki Sen an, pale: “Mwen rete nan kote ki wo e ki sen, anplis ak li menm ki gen kè ki pi e ki enb, pou fè leve lespri a enb yo, e fè leve kè a sila a ki plen regrè pou peche.

Ezayi 66:2

Paske se men M ki te fè tout bagay sa yo; se konsa tout bagay sa yo te vin egziste,” deklare SENYÈ a. “Men, anvè sila Mwen va gade; sila ki enb ak kè ki repanti a, e ki tranble devan pawòl Mwen yo.

Oze 4:6

Pèp Mwen an detwi akoz mank konesans. Akoz ou te rejte konesans, Mwen menm tou, Mwen va rejte ou. Ou p ap ka fè prèt pou Mwen, akoz ou te bliye lalwa Bondye. Konsa, Mwen menm tou, Mwen ap bliye pitit nou yo.

Lik 18:14

“Mwen di nou ke mesye sa a te desann lakay li jistifye pase lòt la, paske nenpòt moun ki leve tèt li va vin imilye, e sila a ki imilye tèt li a, va vin leve.”

2 Korent 8:9

Paske nou konnen lagras Senyè nou an Jésus Kri, ke malgre Li te rich, pou koz nou, Li te vin pòv, pouke, nou menm, atravè povrete Li, nou ta kapab vin rich.

Jak 2:5

Koute, frè byeneme m yo, èske Bondye pa t chwazi pòv a mond sa a pou vin rich nan lafwa, e eritye a wayòm ke Li te pwomèt a sila ki renmen Li yo?