Sòm 145:21 - Bib Sen An: Kreyòl Ayisyen

²¹ Bouch mwen va pale lwanj SENYÈ a, e tout chè va beni sen non Li an jis pou tout tan e pou tout tan.

1998 Haïtienne

²¹ M'a fè lwanj Senyè a ak bouch mwen. Se pou tout moun fè lwanj Bondye ki yon Bondye apa. Se pou yo fè l tout tan tout tan.

Sòm 145:21 交叉引用

Sòm 103:22

Beni SENYÈ a, nou tout, zèv Li yo, nan tout kote nan wayòm Li an. Beni SENYÈ a, O nanm mwen!

Sòm 145:5

Sou bèlte e glwa a majeste Ou avèk zèv mèvèy Ou yo, mwen va reflechi tout tan.

Sòm 150:6

Kite tout sa ki gen souf louwe SENYÈ a! Louwe SENYÈ a!

Sòm 30:12

Konsa, pou kè m kab chante lwanj Ou, e pa rete an silans. O SENYÈ, Bondye mwen an, mwen va bay Ou glwa pou tout tan, nèt.

Sòm 51:15

O Mèt mwen an, ouvri lèv mwen pou m kab deklare lwanj Ou.

Sòm 65:2

O Ou menm ki tande priyè yo, a Ou menm tout moun vini.

Sòm 69:35

Paske Bondye va delivre Sion e bati vil Juda yo, pou yo kab rete la e posede li.

Sòm 71:15

Bouch mwen va pale ladwati Ou, ak sali Ou tout lajounen, menmsi mwen pa kab fin konnen fòs valè tout jou sa yo.

Sòm 71:8

Bouch mwen plen avèk lwanj Ou ak glwa Ou tout lajounen.

Sòm 86:9

Tout nasyon ke Ou te fè yo, va vini pou adore devan Ou, O Senyè, e yo va bay non Ou glwa.

Sòm 89:1

Mwen va chante lanmou dous SENYÈ a jis pou tout tan. Ak bouch mwen, mwen va fè tout jenerasyon yo konnen fidelite Ou.