Sòm 145:15 - Bib Sen An: Kreyòl Ayisyen

¹⁵ Zye a tout moun genyen espwa sou Ou. Ou bay yo manje yo nan lè yo.

1998 Haïtienne

¹⁵ Senyè, se sou ou tout moun ap gade. Ou ba yo manje lè yo bezwen manje.

Sòm 145:15 交叉引用

Jenèz 1:30

Epi a chak bèt latè ak chak zwazo syèl a, chak bagay kab fè mouvman ou tè a, bagay ki gen lavi, Mwen te bay chak plant vèt pou manje”; epi se te konsa.

Sòm 104:21

Jenn lyon yo rele fò dèyè viktim yo, e chache manje yo nan men Bondye.

Sòm 104:27

Yo tout ap tann Ou pou bay yo manje nan lè yo.

Sòm 136:25

ki bay manje a tout chè, paske lanmou dous Li a dire jis pou tout tan.

Sòm 145:9

SENYÈ a bon pou tout moun e gras Li lonje rive sou tout zèv Li yo.

Jowèl 2:22

Pa pè, nou menm bèt chan yo; paske patiraj yo nan dezè a deja vin vèt, paske pyebwa a vin bay fwi li. Pye fig la ak pye rezen an bay tout fòs yo.

Matye 6:26

Gade zwazo ki anlè yo; yo pa simen, ni rekòlte, ni ranmase pou mete nan depo. Malgre sa, Papa yo bay yo manje. Èske nou pa vo bokou plis ke yo?

Lik 12:24

“Konsidere kòbo yo, paske yo pa simen, ni yo pa rekòlte; epi yo pa gen depo ni pwotèj, men Bondye bay yo manje. Konbyen plis valè nou genyen pase zwazo yo.

Travay 17:25

Ni li pa sèvi pa men moun kòmsi Li te bezwen yon bagay. Paske se Li menm ki bay moun lavi, souf ak tout bagay.