Sòm 140:9 - Bib Sen An: Kreyòl Ayisyen

⁹ Epi pou chèf an tèt a sila ki antoure mwen yo, pou malveyans a pwòp lèv yo kapab vin kouvri yo.

1998 Haïtienne

⁹ (10) Pa kite moun ki pa vle wè m yo donminen sou mwen. Se pou mechanste ki nan bouch yo a tonbe sou yo!

Sòm 140:9 交叉引用

Estè 5:14

Epi Zéresch, madanm li an, te di li: “Fè yo prepare yon wo etaj senkant koude nan wotè, e demen maten, mande wa a pou pann Mardochée ladann. Epi apre, ale nan bankè a avèk jwa.” Konsèy la te fè Haman byen kontan e li te fè yo prepare etaj la.

Estè 7:10

Konsa, yo te pann Haman sou wo etaj ke li te prepare pou Mardochée a e kòlè a wa a te vin bese.

Sòm 64:8

Konsa, yo va chape tonbe. Pwòp lang pa yo va kont yo. Tout moun ki wè yo va souke tèt yo.

Sòm 7:16

Mechanste li va retounen sou pwòp tèt li, e vyolans pa l ap desann sou pwòp fwon li.

Sòm 94:23

Li te fè mechanste pa yo retounen sou yo, e va koupe retire yo nèt nan mechanste pa yo. SENYÈ nou an va koupe retire yo.

Pwovèb 10:11

Bouch a moun dwat se yon fontèn dlo lavi, men bouch a mechan an kache vyolans.

Pwovèb 10:6

Benediksyon se sou tèt a moun dwat la; men bouch mechan an kache vyolans.

Pwovèb 12:13

Yon moun mechan pyeje pa transgresyon lèv li; men moun dwat la va evite pwoblèm.

Pwovèb 18:7

Bouch a moun san konprann nan se dega li; e lèv li se pèlen pou nanm li.

Matye 27:25

Tout pèp la te reponn e te di: “Kite san Li sou nou e sou Pitit nou yo!”

Detewonòm 32:27

si M pa t krent ke li t ap pwovoke lènmi an, ke lènmi pa yo ta mal jije pou yo ta di: “Se men nou ki gen viktwa a. Se pa t vrèman SENYÈ a ki fè tout sa.”’