Sòm 119:2 - Bib Sen An: Kreyòl Ayisyen

² A la beni se sila ki kenbe temwayaj Li yo, Ki chache Li ak tout kè yo.

1998 Haïtienne

² Ala bon sa bon pou moun ki kenbe prensip li yo, pou moun k'ap chache obeyi l ak tout kè yo!

Sòm 119:2 交叉引用

1 Wa 2:3

Kenbe lòd SENYÈ a, Bondye ou a, pou mache nan tout vwa li yo, pou kenbe règleman Li yo, kòmandman Li yo, òdonans Li yo, avèk temwayaj Li yo, selon sa ki ekri nan Lalwa Moïse la, pou ou kapab vin genyen nan tout sa ke ou antreprann ak nenpòt kote ke ou vire.

1 Kwonik 22:19

Alò, bay kè nou avèk nanm nou pou chache SENYÈ a, Bondye nou an. Konsa, leve pou bati sanktiyè SENYÈ a, Bondye a, pou nou kapab pote lach akò SENYÈ a avèk veso sakre Bondye yo antre nan kay ki va bati pou non a SENYÈ a.”

2 Kwonik 31:21

Tout èv ke li te kòmanse fè nan sèvis lakay Bondye a, nan lalwa avèk kòmandman an, nan chache Bondye li a, li te fè yo avèk tout kè li, e li te byen reyisi.

Sòm 105:45

pou yo te kab kenbe règleman Li yo, e swiv lwa Li yo. Louwe SENYÈ a!

Sòm 119:10

Ak tout kè mwen, mwen te chache Ou. Pa kite mwen vin egare e kite lòd Ou yo.

Sòm 119:101

Mwen te anpeche pye m antre nan tout wout ki gen mechanste, Pou m te kab kenbe pawòl Ou.

Sòm 119:115

Kite mwen, malfektè, pou m kab swiv kòmandman a Bondye mwen yo.

Sòm 119:146

Mwen te kriye a Ou menm. Sove mwen! Mwen va obeyi tout regleman Ou yo.

Sòm 119:17

Aji ak gras avèk sèvitè Ou a, pou m kab viv e kenbe pawòl Ou.

Sòm 119:22

Retire repwòch ak mepri a sou mwen, paske mwen obsève temwayaj Ou yo.

Sòm 119:33

Enstwi mwen, O SENYÈ, nan chemen règleman Ou yo e mwen va obsève li jiska lafen.

Sòm 119:34

Ban mwen bon konprann, pou m kab obsève lalwa Ou. Konsa, mwen va kenbe li ak tout kè m.

Sòm 119:57

Se SENYÈ a ki pòsyon mwen. Mwen te fè pwomès pou kenbe pawòl Ou yo.

Sòm 119:69

Awogan yo te fòje yon manti kont mwen. Avèk tout kè m, mwen va obsève tout òdonans Ou yo.

Sòm 119:88

Fè m reprann mwen selon lanmou dous Ou a, Pou m kab kenbe temwayaj a bouch Ou yo. LAMEDH

Sòm 25:10

Tout chemen Bondye se nan lanmou dous avèk verite pou sila ki kenbe akò Li yo ak temwayaj Li yo.

Pwovèb 23:26

Ban m kè ou, fis mwen an; kite zye ou fè kè kontan nan chemen mwen yo.

Jeremi 29:13

Nou va chache Mwen e nou va jwenn Mwen lè nou chache M ak tout kè nou.

Ezekyèl 36:27

Mwen va mete Lespri M anndan nou, fè nou mache nan règleman Mwen yo e nou va fè atansyon pou swiv tout lwa Mwen yo.

Jan 14:23

Jésus te reponn e te di Li: “Si nenpòt moun renmen M, li va kenbe pawòl Mwen, e Papa M va renmen li, e Nou va vin kote li, epi va demere avèk li”.

Detewonòm 4:29

Men soti la, nou va chache SENYÈ a; epi nou va jwenn Li si nou chache Li avèk tout kè nou e avèk tout nanm nou.

Detewonòm 6:17

“Avèk dilijans, nou dwe kenbe kòmandman a SENYÈ yo, Bondye nou an, ak temwayaj avèk lwa Li yo, ke Li te kòmande nou.

Detewonòm 6:5

Nou va renmen SENYÈ a, Bondye nou an, avèk tout kè nou, avèk tout nanm nou, e avèk tout fòs nou.

1 Jan 3:20

si kè nou kondannen nou, Bondye se bokou pi gran ke kè nou, epi Li konnen tout bagay.