Revelasyon 2:3 - Bib Sen An: Kreyòl Ayisyen

³ Nou gen pèseverans ak andirans pou koz a non Mwen, e nou pa t bouke.

1998 Haïtienne

³ Ou gen anpil pasyans, ou soufri anpil poutèt mwen. Ou pa dekouraje.

Nouvo Testaman: Vèsyon Kreyòl Fasil

³ Ou gen bon pèseverans, ou soufri poutèt non mwen epi ou pa janm abandone.

Revelasyon 2:3 交叉引用

Sòm 37:7

Pran repo nan SENYÈ a, e tann Li ak pasyans; Pa twouble ou akoz sila ki reyisi nan chemen li an, Akoz nonm nan ki reyisi fè manèv mechan li yo.

Sòm 69:7

Paske pou koz Ou, mwen te pote repwòch. Dezonè fin kouvri figi mwen.

Miche 7:9

Mwen va pote endiyasyon SENYÈ a, akoz mwen te peche kont Li, jiskaske li plede ka mwen an, e egzekite jijman pou mwen. Konsa, Li va mennen m sòti nan plen limyè, e mwen va wè ladwati Li.

Mak 15:21

Yo te pran yon mesye pa lafòs ki t ap sòti andeyò pou fè l fè kòve; Simon de Cyrène, (papa a Alexandre ak Rufus), pou pote kwa Li a.

Lik 14:27

Nenpòt moun kipa pote pwòp kwa li pou swiv Mwen, li pa kapab disip Mwen.

Lik 18:1

Alò, Li t ap di yo yon parabòl pou montre ke nan tout tan yo te dwe priye, e pa dekouraje.

Lik 21:19

Pa pèseverans nou, nou va reyisi genyen lavi nou.

Lik 5:5

Simon te reponn pou di L: “Mèt, nou travay di tout nwit lan, e nou pa t kenbe anyen; men selon sa Ou mande a, m ap lage filè yo.”

Lik 8:15

“Semans nan bon tè a se sila yo ki te tande pawòl la avèk yon kè onèt e bon, e ki kenbe fèm, k ap pote fwi avèk pèseverans.

Jan 15:21

Men tout bagay sa yo, yo va fè nou pou koz a Non pa M, paske yo pa konnen Sila a ki te voye M nan.

Women 12:12

rejwi nou nan esperans, rete pasyan nan tribilasyon pèsevere nan lapriyè.

Women 16:12

Salye Tryphène ak Tryphose, ouvriye nan Senyè a. Salye Perside, byeneme a, ki travay di nan Senyè a.

Women 2:7

Sila yo ki pèsevere nan fè byen, va twouve glwa, lonè, imòtalite, ak lavi etènèl;

Women 8:25

Men si nou espere sa ke nou pa wè, nou ap tann li avèk gwo lanvi ak pèseverans.

1 Korent 13:7

Li sipòte tout bagay, kwè tout bagay, espere tout bagay, andire tout bagay.

1 Korent 16:16

Pou nou osi vin soumèt a kalite moun sa yo e a tout moun ki ede nan zèv ak travay la.

2 Korent 10:15

Nou p ap vante tèt nou depase mezi pa nou, kòmsi, nan zèv a lòt moun, men avèk espwa ke pandan lafwa nou ap grandi, nou va, nan mezi nou, agrandi menm plis akoz nou menm.

2 Korent 11:23

Èske se sèvitè a Kris yo ye? (Mwen pale tankou moun fou) Mwen menm tou, plis nan travay, bokou plis nan pran prizon. Mwen te bat depase mezi, mwen te souvan nan danje lanmò.

2 Korent 4:1

Konsa, akoz ke nou gen ministè sa a, jan nou te resevwa mizerikòd la, nou pa dekouraje.

2 Korent 4:16

Donk, nou p ap dekouraje, men malgre ke lòm eksteryè nou ap dekonpoze deja lòm enteryè nou ap renouvle de jou an jou.

2 Korent 5:9

Konsa nou gen osi kòm dezi, pou, kit nou lakay, kit nou absan, pou fè Li menm plezi.

2 Korent 6:5

nan pran kou, nan pran prizon, nan twoub, nan travay di, nan san dòmi nan grangou

Galat 6:2

Pote fado youn pou lòt, e konsa lalwa Kris la akonpli.

Galat 6:9

Annou pa dekouraje nan fè byen, paske lè lè a rive, nou va rekòlte si nou pa fatige.

Filipyen 2:16

k ap kenbe fèm a pawòl lavi a, pou nan jou a Kris la, mwen kapab gen rezon pou bay glwa, akoz ke m pa t kouri anven, ni travay anven.

Filipyen 4:3

Vrèman, fidèl kòlèg mwen yo, mwen mande nou osi pou ede fanm sa yo ki te pataje lit mwen an pou koz a levanjil la, ansanm avèk Clément osi ak tout lòt ouvriye parèy a mwen yo ki gen non yo nan liv lavi a.

Kolosyen 1:11

ki ranfòse ak tout pouvwa, selon pwisans laglwa Li a, pou vin genyen pèseverans ak pasyans; avèk lajwa,

1 Tesalonisyen 1:3

San rete nou sonje travay lafwa nou an, ak èv lanmou nou yo; jan nou te kenbe fèm nan esperans de Senyè nou an, Jésus Kri, devan prezans a Bondye, Papa nou.

1 Tesalonisyen 2:9

Paske nou sonje, frè yo travay ak difikilte nou. Jan nou te travay lannwit kou lajounen pou nou pa t yon chaj pou okenn nan nou. Konsa nou te pwoklame a nou menm levanjil a Bondye a.

1 Tesalonisyen 5:12

Men nou mande nou, frè m yo, pou nou apresye sila ki travay avèk dilijans pami nou yo, e ki responsab nou nan Senyè a pou bannou lenstriksyon e korije nou.

2 Tesalonisyen 3:13

Men pou nou, frè m yo pa fatige nan fè sa ki bon.

2 Tesalonisyen 3:5

Ke Senyè a dirije kè nou nan lanmou Bondye a, ak nan kenbe fèm nan Kris la.

2 Tesalonisyen 3:8

Ni nou pa t manje pen a lòt moun san peye pou li, men avèk travay ak difikilte, nou te kontinye travay lajounen kou lannwit pou nou te kab pa vini yon chaj lou pou okenn nan nou.

1 Timote 4:10

Paske se pou sa nou travay ak fè efò a. Nou gen tan fikse esperans nou sou Bondye vivan an, ki se Sovè a tout moun, sitou a kwayan yo.

1 Timote 5:17

Ansyen ki dirije byen yo, dwe konsidere dign de doub onè, sitou sila ki travay di nan predikasyon ak enstriksyon yo.

Ebre 10:36

Paske nou oblije andire, pou lè nou fin fè volonte Bondye, nou kab resevwa sa ki te pwomèt a nou an.

Ebre 12:1

Konsa, akoz ke nou gen yon si tèlman gran nwaj temwen ki antoure nou, annou osi mete sou kote tout anpèchman ak peche ki trè fasil vin vlope nou, e annou kouri avèk andirans kous la ki mete devan nou an,

Ebre 13:13

Donk, annou ale jwenn Li deyò kan an pou pote repwòch Li yo.

Ebre 6:10

Paske Bondye pa enjis pou Li ta bliye travay nou ak lanmou ke nou montre anvè non Li, ke nou te bay e kontinye ap bay a sen yo.

Ebre 6:12

pou nou pa vin mou, men rete imitatè a sila ki, atravè lafwa ak tenasite, te vin eritye pwomès yo.

Ebre 6:15

Konsa, nan tann li avèk anpil andirans, Abraham te resevwa pwomès la.

2 Pyè 1:6

Sou konesans nou, mete bon kontwòl tèt nou, e nan bon kontwòl tèt nou, mete pèseverans, e nan pèseverans nou, mete sentete.

Revelasyon 1:9

Mwen, Jean, frè nou, ki patisipe avèk nou nan tribilasyon, wayòm, ak pèseverans ki nan Jésus a, te sou lil ki rele Patmos la, akoz pawòl a Bondye ak temwayaj de Jésus a.

Revelasyon 3:10

“Paske nou kenbe pawòl pèseverans Mwen an, Mwen va kenbe nou osi nan lè eprèv la, lè ki prèt pou vini sou tout mond lan pou pase a leprèv tout sila ki rete sou latè yo.