Pwovèb 6:17 - Bib Sen An: Kreyòl Ayisyen

¹⁷ Zye ògeye, yon lang k ap bay manti, avèk men ki vèse san inosan,

1998 Haïtienne

¹⁷ Se moun k'ap gonfle lestonmak yo sou moun, se moun k'ap bay manti, se moun k'ap touye moun inonsan,

Pwovèb 6:17 交叉引用

2 Wa 21:16

Anplis, Manassé te vèse san inosan jiskaske li te ranpli Jérusalem soti nan yon bout jis rive nan yon lòt. Li te fè sa, anplis, peche pa li avèk sila li te fè Juda peche nan fè mal devan zye SENYÈ a.

2 Wa 24:4

anplis, ak san inosan li te vèse yo. Paske li te ranpli Jérusalem avèk san inosan e SENYÈ a pa t padone sa.

Sòm 10:4

Mechan an nan wotè rega li, refize chache Bondye, Tout panse li se ke: “Nanpwen Bondye.”

Sòm 101:5

Nenpòt moun ki bay vwazen li kout lang an sekrè, li menm, mwen va detwi. Nenpòt moun ak rega awogan oswa ògèy, mwen p ap sipòte li.

Sòm 131:1

O SENYÈ, kè m pa ògeye, ni zye m pa gen awogans. Ni m pa fouye kò m nan gwo zafè, ni nan sa ki twò wo pou mwen.

Sòm 18:27

Paske Ou sove yon pèp aflije, men sila ak zye ki leve wo yo, Ou bese yo.

Sòm 31:18

Kite lèv ki manti yo sispann, sila yo ka p pale ak awogans kont moun dwat yo, k ap fè ògèy pou desann moun.

Sòm 5:6

Ou detwi sila ki pale sa ki fo yo. SENYÈ a rayi yon nonm ki vèse san, ki twonpe moun.

Sòm 5:7

Men pou mwen, pa gran lanmou dous Ou a mwen va antre lakay Ou. Nan tanp sen Ou an mwen va pwostène mwen nèt an adorasyon.

Pwovèb 1:11

Si yo di: “Vini avèk nou, annou kouche yon pyèj pou san, annou fè anbiskad pou inosan yo san koz;

Pwovèb 1:16

Paske pye yo kouri jwenn mal, e yo fè vit pou yo vèse san.

Pwovèb 12:22

Lèv ki manti a abominab a SENYÈ a; men sila ki aji nan fidelite, se plezi Li.

Pwovèb 14:5

Yon temwen fidèl p ap bay manti; men yon fo temwen pale manti.

Pwovèb 16:5

Tout sila ki gen kè ògèy, abominab a SENYÈ a; anverite, li p ap chape anba pinisyon.

Pwovèb 17:7

Bèl diskou pa byen koresponn ak yon moun ki ensanse, bokou mwens lèv kap manti sou yon prens.

Pwovèb 21:4

Zye ki leve wo ak kè ki plen ògèy; lanp a mechan yo se peche.

Pwovèb 26:28

Yon lang ki bay manti, rayi sila li kraze yo, e zèv a lang flatè a se dega.

Pwovèb 28:17

Yon nonm ki twouble ak koupabilite san moun va yon fijitif jiskaske li mouri. Pinga pèsòn ba li soutyen.

Pwovèb 30:13

Gen yon kalite—O, jan zye li leve wo, e pòpyè zye li leve ak awogans.

Pwovèb 6:16

Gen sis bagay ke SENYÈ a rayi; wi sèt menm ki abominab devan l:

Ezayi 1:15

Pou sa, lè nou ouvri men nou nan lapriyè, Mwen va kache zye M de nou menm. Wi, menm si nou ogmante lapriyè nou yo, Mwen p ap koute yo. Men nou kouvri ak san.

Ezayi 2:11

Ògèy a lòm va vin bese e wotè a lòm va vin imilye. E nan jou sa a se sèl SENYÈ a k ap egzalte.

Ezayi 3:16

Anplis SENYÈ a di: “Akoz fi a Sion yo ògeye, mache ak tèt anlè ak zye k ap sedwi, mache ak ti pa kout pou atire zye gason, e fè sone tout ti son braslè sou pye yo.

Ezayi 3:9

Vizaj figi yo fè temwen kont yo, e yo montre tout moun peche yo tankou Sodome. Yo pa menm kache sa a. Malè a yo menm! Paske yo mennen mal la vin tonbe sou yo.

Jeremi 26:15

Sèlman, konnen byen ke si nou mete m a lanmò, nou va mennen san inosan vin tonbe sou nou menm, sou vil sa a, ak tout moun ki rete ladan; paske anverite, SENYÈ a te voye mwen kote nou pou pale tout pawòl sa yo nan zòrèy nou.”

Jan 8:44

“Nou se pitit a papa nou, dyab la. Epi nou vle fè volonte a papa nou. Li te yon asasen depi nan kòmansman, e li pa kanpe nan verite a, paske nanpwen verite nan li. Lè li manti, li manti pou kont li, paske se yon mantè li ye, epi papa a tout manti.

Detewonòm 19:10

Jis pou san inosan pa vèse nan mitan teritwa nou an, ke SENYÈ a bannou kòm eritaj la, e pou koupabilite san an pa vin rete sou nou.

Detewonòm 27:25

‘Modi se sila ki aksepte lajan pou asasine yon moun inosan.’ Epi tout pèp la va di: ‘Amen’.

1 Pyè 5:5

Nou menm, jènjan yo, vin soumèt nou a lansyen yo. Ke nou tout, abiye nou avèk imilite youn anvè lòt, paske: “Bondye opoze a ògeye yo, men Li bay gras a moun enb yo".

Revelasyon 22:15

Deyò se chen yo, majisyen yo, moun imoral yo, asasen yo, idolat ak tout sila ki renmen e ki gen pratik bay manti.