Pwovèb 21:31 - Bib Sen An: Kreyòl Ayisyen

³¹ Cheval la prepare pou jou batay la; men viktwa a se nan men SENYÈ a.

1998 Haïtienne

³¹ Moun pare chwal pou y'al fè lagè, men se Senyè a k'ap deside kilès k'ap genyen batay la.

Pwovèb 21:31 交叉引用

2 Samyèl 23:12

Men li te kanpe pran pozisyon li nan mitan chan an pou defann tè a. Li te frape Filisten yo; epi SENYÈ a te fè vini yon gran viktwa.

Sòm 144:10

Ki konn sove wa yo, ki fè David, sèvitè Li a, chape de nepe lanmò a.

Sòm 147:10

Li pa pran plezi nan fòs cheval la. Li pa pran plezi nan janm a moun.

Sòm 20:7

Genyen kèk ki fè konfyans nan cha yo, e kèk nan cheval yo, Men nou va fè konfyans nan non SENYÈ a, Bondye nou an.

Sòm 20:8

Yo te pliye e yo te tonbe, men nou te leve e nou te kanpe dwat.

Sòm 3:3

Men Ou menm, O SENYÈ, se yon pwotèj ki antoure mwen, glwa mwen, ak Sila ki fè tèt mwen leve a.

Sòm 3:8

Delivrans se nan SENYÈ a. Ke benediksyon Ou toujou poze sou pèp Ou a.

Sòm 68:20

Bondye pou nou se yon Bondye delivrans. Epi BONDYE, Senyè a sèl, ki fè nou chape devan lanmò.

Eklezyas 9:11

Anplis, mwen te wè anba solèy la ke kous la pa pou moun ki rapid la, ni batay la pa pou gwo gèrye yo, ni pen pou saj la, ni richès a sila ki byen konprann nan, ni favè a moun abil; paske tan avèk jan tout bagay dewoule vin genyen yo tout.

Ezayi 31:1

Malè a sila ki desann Égypte pou sekou yo, ki depann de cheval yo, ki fè konfyans a cha yo paske yo anpil, ak nan chevalye yo paske yo tèlman fò; men yo pa gade sou Sila Ki Sen an Israël la, ni chache SENYÈ a!

Jeremi 3:23

Anverite, soutyèn kolin yo se yon desepsyon, yon zen sou mòn yo. Anverite, SENYÈ a, Bondye nou an, se sali Israël.

1 Korent 15:57

Men gras a Bondye, ki bannou viktwa atravè Senyè nou an, Jésus Kri.