Pwovèb 19:2 - Bib Sen An: Kreyòl Ayisyen

² Anplis, li pa bon pou gen gwo kouraj, san konesans, ni pou prese rive fè fo pa.

1998 Haïtienne

² Sa pa bon pou ou prese fè anyen san ou pa konprann sa w'ap fè. Si ou pa gen pasyans, ou ka nan pwoblèm.

Pwovèb 19:2 交叉引用

2 Wa 4:39

Epi youn te ale nan chan an pou ranmase epis yo e yo te twouve yon lyann sovaj. Li te ranmase sou li kont joumou pou plen vètman li. Li te vin koupe yo, pou fè yo antre nan bouyon, paske yo pa t rekonèt yo.

Jòb 31:5

“Si mwen te mache nan sa ki fo, e pye m te kouri dèyè twonpe moun,

Pwovèb 1:16

Paske pye yo kouri jwenn mal, e yo fè vit pou yo vèse san.

Pwovèb 10:21

Lèv a moun dwat yo fè anpil moun manje; men moun fou yo mouri akoz mank bon konprann.

Pwovèb 14:29

Sila ki lan nan kòlè a, gen gwo konprann; men sila ki fè fache vit, leve foli byen wo.

Pwovèb 21:5

Plan a dilijan an mennen byen si, vè avantaj; men tout moun ki aji san reflechi va, san dout, vin pòv.

Pwovèb 25:8

Pa fè vit lantre nan tribinal pou diskite ka ou; anfen, sa ou va fè lè vwazen ou fè ou desann nèt.

Pwovèb 28:20

Yon nonm fidèl va gen anpil benediksyon; men sila ki fè vit pou jwenn richès, p ap chape anba pinisyon.

Pwovèb 28:22

Yon nonm ak move zye kouri dèyè richès e li pa konnen kisa k ap rive li.

Pwovèb 29:20

Èske ou wè yon nonm ki pale vit san reflechi? Gen plis espwa pou moun fou a pase li menm.

Eklezyas 12:9

Anplis akoz li te yon nonm saj, predikatè a te enstwi pèp la ak konesans. Wi, li te reflechi, chache twouve, e te aranje anpil pwovèb.

Eklezyas 7:9

Pa chofè kè ou pou vin fache; paske fache rete nan kè a moun ensanse.

Ezayi 27:11

Lè branch li yo vin sèch, yo vin kase yo. Fanm yo va vini pou fè dife avèk yo, paske se yon pèp san konprann. Akoz sa Kreyatè yo a p ap fè konpasyon sou yo. Li ki te fòme yo a p ap bay yo gras.

Ezayi 28:16

Pou sa, Senyè BONDYE a di: “Gade byen, Mwen ap poze nan Sion yon wòch, yon wòch eprèv, yon wòch ang prensipal pou fondasyon ki plase byen solid la. Sila ki kwè nan li a, p ap twouble menm.

Oze 4:6

Pèp Mwen an detwi akoz mank konesans. Akoz ou te rejte konesans, Mwen menm tou, Mwen va rejte ou. Ou p ap ka fè prèt pou Mwen, akoz ou te bliye lalwa Bondye. Konsa, Mwen menm tou, Mwen ap bliye pitit nou yo.

Jan 16:3

Bagay sa yo, yo va fè paske yo pa t janm konnen Papa a, ni Mwen.

Women 10:2

Paske mwen temwaye de yo ke yo gen yon zèl pou Bondye, men pa selon bon konprann yo.

Filipyen 1:9

Mwen priye konsa, pou lanmou nou kapab ogmante ankò plis toujou nan vrè konesans, avèk tout bon jijman.