Pwovèb 15:9 - Bib Sen An: Kreyòl Ayisyen

⁹ Chemen mechan an abominab a SENYÈ a; men Li renmen sila ki chache ladwati a.

1998 Haïtienne

⁹ Senyè a pa ka sipòte jan mechan yo ap viv la. Men, li renmen moun k'ap fè sa ki dwat devan li.

Pwovèb 15:9 交叉引用

Sòm 1:6

Paske SENYÈ a konnen chemen a sila ki dwat yo, men chemen a mechan yo va disparèt.

Sòm 11:7

Paske Bondye dwat. Li renmen ladwati. Sila ki kanpe dwat yo va wè figi Li.

Sòm 139:24

Konsa, wè si gen okenn move chemen nan mwen e mennen mwen nan chemen etènèl la.

Sòm 5:5

Sila ki plen ògèy p ap kab kanpe devan zye Ou. Ou rayi tout sila ki fè inikite yo.

Pwovèb 15:10

Pinisyon byen di ap tann sila ki abandone chemen an; sila ki rayi korije a va mouri.

Pwovèb 21:21

Sila ki swiv ladwati ak fidelite a jwenn lavi, ladwati ak lonè.

Pwovèb 21:4

Zye ki leve wo ak kè ki plen ògèy; lanp a mechan yo se peche.

Pwovèb 21:8

Chemen a yon moun koupab kwochi; men pou sila ki san tach la, kondwit li dwat.

Pwovèb 4:19

Chemen mechan yo tankou tenèb; yo pa konnen sou kisa pou yo tonbe.

Pwovèb 8:13

Lakrent SENYÈ a se pou rayi mal, ansanm ak ògèy, awogans, ak yon bouch pevès.

Ezayi 26:7

Chemen moun jis se ladwati. O Sila Ki Dwat la, fè wout a moun dwat yo a byen pla.

Ezayi 51:1

“Koute mwen, nou menm ki swiv ladwati a, k ap chache SENYÈ a: Gade vè wòch sou sila nou te taye a, vè min wòch kote nou te retire a.

Ezayi 51:7

“Koute Mwen, nou menm ki konnen ladwati, yon pèp ki gen lalwa M nan kè yo. Pa pè repwòch a lòm, ni dekouraje lè y ap meprize nou.

Jeremi 44:4

Malgre sa, Mwen te voye bannou tout sèvitè mwen yo, pwofèt yo, ankò e ankò e Mwen te di: “Ah, pa fè bagay abominab sila ke m menm rayi a.”

Oze 6:3

Annou rekonèt SENYÈ a; annou refize lage pou nou ka konnen SENYÈ a. Aparans Li asire tankou solèy k ap leve granmmaten. Konsa, Li va vini sou nou tankou lapli, tankou lapli prentan k ap wouze latè.

Abakik 1:13

Zye Ou twò pafè pou gade mal, e Ou pa ka menm gade mechanste. Poukisa Ou sipòte sila ki trèt yo? Poukisa Ou rete an silans pandan mechan yo ap vale sila ki pi jis pase yo?

Matye 7:13

“Antre pa pòt etwat la; paske pòt laj la, e chemen byen gwo ki mennen nan destriksyon an. Gen anpil moun k ap antre pa li menm.

Detewonòm 7:13

Li va renmen nou, beni nou, e fè nou vin miltipliye. Li va, osi, beni fwi a vant nou, fwi a tè nou, e diven nèf ak lwil nou, kwasans a twoupo nou, avèk jenn bann mouton nou, nan peyi ke Li te sèmante a zansèt nou yo pou bannou.

1 Timote 6:11

Men kouri kite bagay sa yo, ou menm, moun Bondye a, e kouri dèyè ladwati, vi sentete, lafwa, lanmou, pèseverans, ak tandrès.

2 Timote 2:22

Alò, sove kite move dezi a jenès yo; men pouswiv ladwati, lafwa, lanmou ak lapè, avèk sila ki rele non Senyè yo avèk yon kè ki san tach.