Pwovèb 13:12 - Bib Sen An: Kreyòl Ayisyen

¹² Lespwa jennen fè kè a malad; men dezi acheve a se yon pyebwa lavi.

1998 Haïtienne

¹² Lè ou pa jwenn sa ou t'ap tann lan, se bagay ki pou fè ou malad. Men, lè ou jwenn sa ou te anvi a, se lavi pou ou.

Pwovèb 13:12 交叉引用

Jenèz 46:30

Konsa Israël te di a Joseph: “Koulye a kite mwen mouri, paske mwen gen tan wè figi ou, ke ou toujou vivan.”

Neyemi 2:2

Konsa, wa a te di mwen: “Poukisa figi ou tris konsa, malgre ou pa malad? Sa pa mwens ke tristès kè.” Konsa, mwen te krent anpil.

Sòm 143:7

Reponn mwen vit, O SENYÈ, lespri m vin febli; Pa kache figi Ou sou mwen, oswa mwen va vini kon sila ki desann nan fòs yo.

Sòm 17:15

Pou mwen menm, mwen va wè figi Ou nan ladwati a; mwen va satisfè avèk vizaj Ou lè m ouvri zye m.

Sòm 69:3

Mwen fatige nèt ak kriye mwen an. Gòj mwen sèk nèt. Zye m varye pandan mwen ap tann Bondye mwen an.

Pwovèb 11:30

Fwi ladwati a se yon pyebwa lavi, e sila ki saj va sove nanm yo.

Pwovèb 13:11

Richès ki sòti nan manti koule ale; men sila ki rasanble ak men li, fè l grandi.

Pwovèb 13:13

Sila ki meprize lenstriksyon va peye fwe a; men sila ki respekte lòd yo va resevwa rekonpans li.

Pwovèb 13:19

Yon dezi ki realize se dous a nanm nan, men moun bèt pa vle kite mechanste.

Pwovèb 3:18

Li se yon pyebwa lavi a sila ki pran l yo, e byen kontan se tout sila ki kenbe l fèm yo.

Kantik 5:8

“M ap avèti nou, O fi a Jérusalem yo, si nou jwenn cheri mwen an, konsa nou va di l; ke mwen malad ak lanmou.”

Jan 16:22

“Konsa, nou menm tou gen tristès koulye a. Men Mwen va wè nou ankò, e kè nou ap rejwi, e pèsòn p ap retire jwa nou ankò.

Revelasyon 2:7

“Sila ki gen yon zòrèy la, kite li tande sa Lespri a di a legliz yo. A sila ki venkè a, Mwen va kite l manje nan pyebwa lavi a ki nan Paradi Bondye a.

Revelasyon 22:2

nan mitan lari li a. Sou chak bò larivyè a, se te pyebwa lavi a, ki pote douz kalite fwi, ki bay fwi li chak mwa. Epi fèy pyebwa yo te pou gerizon a nasyon yo.