Matye 7:24 - Bib Sen An: Kreyòl Ayisyen

²⁴ “Pou sa, tout moun ki tande pawòl sa yo ke Mwen bay yo, e ki aji sou yo, y ap tankou yon nonm saj ki bati kay li sou wòch.

1998 Haïtienne

²⁴ — Konsa, moun ki tande pawòl mwen fenk sot di a, epi ki fè sa mwen mande li fè a, l'ap tankou yon moun lespri ki bati kay li sou wòch.

Nouvo Testaman: Vèsyon Kreyòl Fasil

²⁴ Se poutèt sa, nenpòt moun ki tande pawòl sa yo epi ki mete yo an pratik, li tankou yon nonm saj ki bati kay li sou karyann.

Matye 7:24 交叉引用

Jòb 28:28

Konsa, a lòm Li te di: ‘Gade byen, lakrent Senyè a, se sa ki sajès; epi kite mal, se sa ki bon konprann.’”

Sòm 111:10

Lakrent SENYÈ a se kòmansman sajès. Tout sila ki fè kòmandman Li yo gen bon konprann. Lwanj Li dire jis pou tout tan!

Sòm 119:130

Lè pawòl Ou antre, li bay limyè. Li bay bon konprann a sila ki senp yo.

Sòm 119:99

Mwen vin gen plis konprann pase tout pwofesè mwen yo, Paske temwayaj Ou yo se meditasyon mwen.

Pwovèb 10:25

Lè toubiyon an fin pase, mechan an vin disparèt; men moun dwat la gen yon fondasyon etènèl.

Pwovèb 10:8

Saj nan kè yo va resevwa lòd chèf la; men yon moun fou ki pale anpil ap pèdi.

Pwovèb 12:7

Mechan yo va boulvèse e vin disparèt; men kay a moun dwat yo va kanpe.

Pwovèb 14:8

Sajès a moun rezonab la se pou l konprann chemen li; men betiz a moun ensanse a se desepsyon.

Matye 12:50

Paske sila ki fè volonte a Papa M ki nan syèl la, se li menm ki frè M, sè M, ak manman M.”

Matye 16:18

Epi Mwen di Ou ke ou menm, ou se Pierre e se sou wòch sa a M ap bati legliz Mwen an, e pòtay peyi mò yo p ap kapab venk li.

Matye 24:45

“Kilès, konsa, ki se esklav fidèl e rezonab ke mèt la te mete responsab tout lakay li, pou bay yo manje nan lè ke yo bezwen?

Matye 25:2

Senk nan yo te manke sajès, men lòt senk yo te gen bon konprann.

Matye 25:4

Men saj yo te pran lwil nan veso ansanm avèk lanp yo.

Matye 25:9

“Men saj yo te reponn: ‘Non, pwiske si nou fè sa, nou p ap rete kont pou nou. Pito nou ale kote machann pou nou achte pou tèt nou.’

Matye 7:25

Lapli te tonbe, inondasyon te vini, van te soufle e te frape kont kay la, men li pa t tonbe paske fondasyon li te sou wòch.

Matye 7:26

Tout moun ki tande pawòl sa yo ke Mwen pale yo, e ki pa aji sou yo, y ap tankou yon moun sòt. Li te bati kay li sou sab.

Lik 11:28

Men Li te di: “Okontrè, beni se sila yo ki tande pawòl Bondye a, e ki swiv li.”

Jan 13:17

Si nou konnen bagay sa yo, nou beni si nou fè yo.

Jan 14:15

“Si nou renmen M, nou va kenbe kòmandman Mwen yo.

Jan 15:10

Si nou kenbe kòmandman Mwen yo, nou ap rete nan amou Mwen. Menm jan ke Mwen te kenbe kòmandman a Papa M yo, e rete nan amou pa Li a.

Jan 15:14

“Nou se zanmi Mwen si nou fè sa ke Mwen kòmande nou.

Women 2:13

Paske se pa sila ki tande Lalwa a ki jis devan Bondye, men se sila ki obeyi Lalwa a ki jistifye.

1 Jan 2:3

Se konsa nou konnen ke nou gen tan konnen Li, si nou kenbe kòmandman Li yo.