Matye 4:2 - Bib Sen An: Kreyòl Ayisyen

² Lè Li te fin fè jèn karant jou avèk karant nwit lan, Li te grangou.

1998 Haïtienne

² Jezi pase karant jou ak karant nwit san manje. Apre sa, li vin grangou.

Nouvo Testaman: Vèsyon Kreyòl Fasil

² Apre Jezi te fin pase karant jou ak karant nuit, san l pa goute anyen, li te byen grangou.

Matye 4:2 交叉引用

1 Wa 19:8

Konsa, li te leve. Li te manje e bwè, epi li te ale ak fòs manje sa a pandan karant jou ak karant nwit pou rive Horeb, mòn Bondye a.

Egzòd 24:18

Moïse te antre nan mitan nwaj la pandan li te monte sou mòn nan. Konsa, Moïse te rete sou mòn nan pandan karant jou ak karant nwit.

Egzòd 34:28

Li te la avèk SENYÈ a pandan karant jou ak karant nwit. Li pa t manje pen, ni bwè dlo. Konsa, li te ekri sou tablo yo avèk pawòl akò yo, dis kòmandman yo.

Matye 21:18

Alò nan maten, Li te retounen nan vil la. Li te vin grangou.

Matye 25:35

Paske Mwen te grangou, e nou te ban M bagay pou M manje. Mwen te swaf, e nou te ban M bwè. Mwen te yon etranje, e nou te envite M antre,

Matye 25:42

Paske Mwen te grangou, men nou te refize ban M manje. Mwen te swaf, e nou pa t ban M bwè.

Mak 11:12

Nan demen, lè yo te kite Béthanie, Li te vin grangou.

Lik 4:2

pandan karant jou, e Li te vin tante pa dyab la. Li pa t manje anyen pandan jou sa yo, epi lè jou yo te fini, Li te vin grangou.

Jan 4:6

Pwi a Jacob la te la. Jésus, akoz Li te byen fatige pa vwayaj la, te chita akote pwi a. Se te anviwon sizyèm lè.

Detewonòm 18:18

“‘Mwen va fè leve yon pwofèt soti nan mitan Izrayelit parèy yo tankou ou, Mwen va mete pawòl Mwen nan bouch li, e li va pale avèk yo tout sa ke Mwen kòmande li.

Detewonòm 9:18

“Mwen te tonbe ba devan SENYÈ a, yon fwa ankò. Pandan karant jou ak karant nwit mwen pa t manje pen ni bwè dlo akoz tout peche ke nou te fè nan fè sa ki mal nan zye SENYÈ a, pou pwovoke Li a lakòlè.

Detewonòm 9:25

“Konsa, mwen te vin tonbe devan SENYÈ a pandan karant jou ak karant nwit, ke m te tonbe a, akoz SENYÈ a te di Li t ap detwi nou.

Detewonòm 9:9

“Lè mwen te monte nan mòn nan pou resevwa tablo wòch yo, tablo akò ke SENYÈ a te fè avèk nou an, alò, mwen te rete sou mòn nan pandan karant jou ak karant nwit. Mwen pa t manje pen ni bwè dlo.