Matye 4:19 - Bib Sen An: Kreyòl Ayisyen

¹⁹ Li te di yo: “Swiv Mwen e M ap fè nou vin fè lapèch moun.”

1998 Haïtienne

¹⁹ Jezi di yo konsa: — Vin jwenn mwen, m'a fè nou tounen pechè moun pito.

Nouvo Testaman: Vèsyon Kreyòl Fasil

¹⁹ Jezi di yo: “Vin swiv mwen! Mwen pral montre nou peche moun pito.”

Matye 4:19 交叉引用

Matye 16:24

Jésus te di a disip Li yo: “Si yon moun vle swiv Mwen, li dwe nye tèt li, pran kwa li e swiv Mwen.

Matye 19:21

Jésus te di l: “Si ou vle pafè, ale vann tout sa ou posede, bay malere yo, e w ap gen richès nan syèl la; epi vin swiv Mwen.”

Matye 4:18

Alò pandan Jésus t ap mache sou kote lanmè Galilée a, Li te wè de frè yo, Simon, ke yo rele Pierre, ak André, frè li. Yo t ap voye yon filè nan lanmè a, paske se moun lapèch yo te ye.

Matye 4:20

Lapoula, yo te kite filè yo pou yo te swiv Li.

Matye 8:22

Men Jésus te di li: “Swiv Mwen. Kite mò yo antere mò parèy yo.”

Matye 9:9

Lè Jésus te kite kote sa a, Li te wè yon nonm yo rele Matthieu ki te chita nan biwo kontribisyon an. Li te di l: “Swiv Mwen!” Epi li te leve e te swiv Li.

Mak 2:14

Pandan Li t ap pase, Li te wè Lévi, fis a Alphée a, ki te chita nan biwo kontribisyon an. Li te di li: “Swiv Mwen”! Konsa, li te leve pou swiv Li.

Lik 5:27

Apre sa, Li te sòti deyò e li te wè yon ajan kontribisyon ki te rele Levi ki te chita nan biwo kontribisyon an. Li te di li: “Swiv Mwen”.

Lik 9:59

Konsa, Li te di a yon lòt: “Swiv Mwen”. Men li te di: “Kite m ale avan pou antere papa m.”

Jan 1:43

Jou apre Li te vle antre nan Galilée, e Li te twouve Philippe. Jésus te di li: “Swiv mwen.”

Jan 12:26

“Si nenpòt moun ap sèvi Mwen, fòk li swiv Mwen. E kote Mwen ye, la sèvitè Mwen va ye tou. Si nenpòt moun ap sèvi Mwen, Papa a va onore li.

Jan 21:22

Jésus te di li: “E si Mwen vle li rete jis lè Mwen vini, kisa sa ap ye pou ou? Ou menm, swiv Mwen!”

2 Korent 12:16

Men malgre jan sa kapab ye a mwen menm, mwen pa t mete chaj tèt mwen bannou. Sepandan, nonm malen ke mwen ye, mwen te vin pran nou pa riz.