Matye 23:12 - Bib Sen An: Kreyòl Ayisyen

¹² Konsa, sila ki pran wo plas yo ap desann, e sila ki desann tèt yo ap vin gen yon wo plas.

1998 Haïtienne

¹² Moun ki vle leve tèt li, y'a desann li. Moun ki desann tèt li, y'a leve li.

Nouvo Testaman: Vèsyon Kreyòl Fasil

¹² Nenpòt moun k ap monte tèt yo, Bondye ap imilye yo; men tout moun ki chwazi imilye yo devan Bondye, Bondye ap leve tèt yo.

Matye 23:12 交叉引用

Jòb 22:29

Lè ou santi ou vin ba, alò ou va pale ak konfyans, e moun ki enb lan, Li va sove li.

Sòm 138:6

Paske malgre SENYÈ a egzalte, Li toujou okipe sila ki ba yo. Men moun ki ògeye yo, Li rekonèt yo de lwen.

Pwovèb 15:33

Lakrent SENYÈ a se enstriksyon ki bay sajès; avan onè, fòk imilite.

Pwovèb 29:23

Ògèy a yon nonm va mennen li ba; men yon lespri enb va jwenn respè.

Ezayi 57:15

Paske se konsa Sila ki wo e egzalte, Sila ki viv jis pou tout tan an, non a Li se Sila ki Sen an, pale: “Mwen rete nan kote ki wo e ki sen, anplis ak li menm ki gen kè ki pi e ki enb, pou fè leve lespri a enb yo, e fè leve kè a sila a ki plen regrè pou peche.

Danyèl 4:37

Alò, mwen menm Nebucadnetsar, mwen fè lwanj, egzaltasyon ak lonè a Wa syèl la, paske tout zèv Li yo vrè, chemen Li yo jis e Li kapab imilye sila ki mache ak ògèy yo.

Matye 18:4

Nenpòt moun ki vin enb tankou timoun sa a, se li menm ki pi gran nan wayòm syèl la.

Matye 5:3

“Beni se sila yo ki malere an espri; paske wayòm syèl la se pou yo.

Lik 14:11

“Paske tout sila yo ki leve tèt yo va vin desann, e sila yo ki desann tèt yo, va vin leve.”

Lik 18:14

“Mwen di nou ke mesye sa a te desann lakay li jistifye pase lòt la, paske nenpòt moun ki leve tèt li va vin imilye, e sila a ki imilye tèt li a, va vin leve.”

Jak 4:6

Men Li bay yon pi gwo gras. Konsa, li di: “Bondye opoze a ògeye yo, men Li fè gras a moun ki enb yo.”

1 Pyè 5:5

Nou menm, jènjan yo, vin soumèt nou a lansyen yo. Ke nou tout, abiye nou avèk imilite youn anvè lòt, paske: “Bondye opoze a ògeye yo, men Li bay gras a moun enb yo".

1 Pyè 5:6

Konsa desann nou anba men pwisan a Bondye a, pou Li kapab leve nou nan tan konvenab la.