Matye 2:15 - Bib Sen An: Kreyòl Ayisyen

¹⁵ Li te rete la jiskaske Hérode te mouri. Sa te fèt pou akonpli sa Senyè a te pale pa pwofèt la pou li ta kapab akonpli lè l te di: “Pou soti an Égypte, Mwen te rele Fis Mwen an”.

1998 Haïtienne

¹⁵ Jozèf rete la jouk lè Ewòd mouri. Se konsa, pawòl Bondye te mete nan bouch pwofèt la te rive vre. Li te di: Mwen rele pitit mwen, mwen fè l sòti kite peyi Lejip.

Nouvo Testaman: Vèsyon Kreyòl Fasil

¹⁵ Yo rete an Ejip jouktan Ewòd mouri. Vwayaj an Ejip la se yon aksyon ki fè nou konprann pi byen pwofesi ki di: “Mwen rele pitit gason m nan pou l soti kite peyi Ejip.”

Matye 2:15 交叉引用

Egzòd 4:22

Ou va di a Farawon: ‘Men kijan SENYÈ a pale: Israël se fis Mwen, premye ne Mwen an.

Oze 11:1

Lè Israël te yon timoun, Mwen te renmen l; epi soti nan Égypte, Mwen te rele fis mwen an.

Nonb 24:8

Bondye mennen l sòti an Égypte. Li pou li tankou kòn a yon bèf mawon. Li va devore nasyon ki advèsè li yo. Li va kraze zo yo an mòso, Li va kraze yo avèk flèch li yo.

Matye 1:22

Tout sa te fèt pou akonpli sa ki te pale pa Senyè a, atravè pwofèt yo;

Matye 2:14

Joseph te leve pran Pitit la avèk manman L pandan nwit lan pou te ale an Égypte.

Matye 2:17

Konsa, sa ki te pale pa pwofèt Jérémie an te vin akonpli lè l te di konsa:

Matye 2:19

Men lè Hérode te vin mouri, yon zanj te parèt an Égypte pou di Joseph nan yon rèv:

Matye 2:23

Li te vin rete nan yon vil yo rele Nazareth pou sa ke pwofèt yo te pale yo ta kapab akonpli: “Yo va rele Li yon Nazareyen”.

Matye 21:4

Tout sa te fèt pou sa ki te pale pa pwofèt la ta kapab akonpli, lè li te di:

Matye 26:54

Men kijan konsa, pou Ekriti Sen yo kab vin akonpli ki fè nou konnen jan l ap oblije fèt?”

Matye 26:56

Men tout sa vin rive pou Ekriti Sen yo selon pwofèt yo ta kapab vin akonpli.” Lapoula, tout disip Li yo te kouri kite Li.

Matye 27:35

Answit lè yo te fin krisifye L, yo te pataje vètman Li pami yo selon tiraj osò.

Matye 8:17

Sa te fèt pou akonpli sa ke pwofèt Ésaïe te pale lè li te di: “Li menm te pran tout enfimite nou yo, e pote tout maladi nou yo.”

Lik 24:44

Alò, Li te di yo: “Sa se pawòl Mwen yo ke Mwen te pale avèk nou pandan Mwen te toujou avèk nou an. Ke tout bagay ki ekri sou Mwen menm nan Lalwa Moïse avèk Pwofèt yo avèk Sòm yo ta oblije akonpli.”

Jan 19:28

Apre sa Jésus, byen konnen ke tout bagay te deja acheve, pou Lekriti a ta kapab akonpli, te di: “Mwen swaf.”

Jan 19:36

Paske bagay sa yo te vin pase, pou Lekriti a ta kapab akonpli “Pa menm yon zo nan Li va kase.”

Travay 1:16

“Frè m yo, Ekriti a te oblije vin akonpli, jan Lespri Sen an te anonse oparavan pa bouch David konsènan Judas ki te vin yon gid a sila ki te arete Jésus yo.