Matye 13:44 - Bib Sen An: Kreyòl Ayisyen

⁴⁴ “Wayòm syèl la tankou yon trezò ki te sere nan yon chan. Yon nonm te twouve li e te sere l ankò. Ranpli ak lajwa, li te kouri ale vann tout sa li te posede, e te achte chan sa a.

1998 Haïtienne

⁴⁴ — Peyi Wa ki nan syèl la, se tankou yon ja lajan ki te anba tè nan yon jaden. Yon nonm rive jwenn li, li kouvri l ankò. Li sitèlman kontan, l ale, li vann tou sa l genyen, li tounen vin achte jaden an.

Nouvo Testaman: Vèsyon Kreyòl Fasil

⁴⁴ Wayòm syèl la se tankou yon ja lajan ki sere anba tè. Yon moun jwenn li, li sere l pi fon. Li tèlman kontan, l ale vann tout sa l genyen pou l achte jaden an.

Matye 13:44 交叉引用

Jòb 28:13

Lòm pa konnen valè li, ni valè li pa kab twouve nan peyi moun vivan yo.

Pwovèb 16:16

A la bon li pi bon pou resevwa sajès pase lò! Pito nou jwenn bon konprann pase ajan.

Pwovèb 17:16

Poukisa gen kòb nan men moun ensanse a pou l achte sajès, konsi, li pa konprann anyen?

Pwovèb 18:1

Sila ki izole pwòp tèt li, chache pwòp enterè l; bon jijman an pa anyèn devan l.

Pwovèb 23:23

Achte verite e pa vann li! Ranmase sajès, enstriksyon ak bon konprann.

Ezayi 55:1

“Gade! Tout sa ki swaf yo, vin nan dlo! Nou menm ki pa gen kòb yo, vin achte pou manje. Vin achte diven ak lèt san lajan, e san frè.

Matye 13:24

Jésus te bay yo yon lòt parabòl. Li te di: “Wayòm syèl la se kon yon nonm ki simen bon semans nan chan li.

Matye 13:46

Lè li twouve youn ki gen gran valè, li te ale vann tout sa li te posede pou te achte l.

Matye 13:47

“Ankò, wayòm syèl la se yon filè ki voye nan lanmè pou ranmase tout kalite pwason.

Matye 19:21

Jésus te di l: “Si ou vle pafè, ale vann tout sa ou posede, bay malere yo, e w ap gen richès nan syèl la; epi vin swiv Mwen.”

Matye 19:27

Konsa Pierre te reponn Li. Li te di: “Gade, nou fin kite tout bagay pou te swiv Ou. Kisa k ap gen pou nou?”

Matye 19:29

“Tout moun ki kite kay yo oubyen frè yo oubyen sè yo, papa, Manman, zanfan, oubyen tè pou koz a Non Mwen, ap resevwa anpil fwa sa a, e va eritye lavi etènèl.

Matye 6:21

Paske kote trezò nou ye se la kè nou va ye tou.

Lik 14:33

“Konsa, nanpwen youn nan nou ki kapab disip Mwen si li pa renonse ak tout sa li posede.

Jan 6:35

Jésus te di yo: “Mwen menm se pen lavi a. Moun ki vini kote Mwen p ap grangou, e sila ki kwè nan Mwen, p ap janm swaf.

Women 15:4

Paske tout bagay ki te ekri nan tan pase yo te ekri pou enstwi nou menm; pouke selon pèseverans ak ankourajman Ekriti yo, nou ta kapab vin genyen lespwa.

Kolosyen 2:3

Nan Li menm kache tout trezò sajès ak konesans yo.

Kolosyen 3:16

Kite pawòl a Kris la rete an abondans nan nou, avèk tout sajès nan enstwi ak korije youn lòt avèk sòm, kantik, ak chan lespri yo, k ap chante avèk rekonesans Bondye nan kè nou.

Ebre 10:34

Paske nou te montre konpasyon pou prizonye yo e te aksepte l avèk jwa lè yo te sezi byen nou yo, nan konnen ke nou te gen yon pi bon posesyon k ap dire nèt.

Revelasyon 3:18

“Konsa, mwen konseye nou achte nan men Mwen lò ki rafine nan dife pou nou kapab vin rich, e vètman blan pou mete sou nou pou wont toutouni nou an pa vin parèt; ak pomad zye pou nou pase nan zye nou pou nou kapab vin wè.