Lik 9:29 - Bib Sen An: Kreyòl Ayisyen

²⁹ Pandan Li t ap priye, aspè figi Li te vin chanje, e vètman Li te vin klere kon blan briyan.

1998 Haïtienne

²⁹ Antan li t'ap lapriyè, figi l pran chanje, rad li vin klere tou blan.

Nouvo Testaman: Vèsyon Kreyòl Fasil

²⁹ Etan Jezi t ap priye konsa, figi l chanje. Se kòmsi li vin gen yon lòt vizaj, rad sou li menm vin tou blan epi l ap briye.

Lik 9:29 交叉引用

Ezayi 33:17

Zye nou va wè Wa a nan tout bèlte Li. Yo va wè yon peyi ki byen lwen.

Ezayi 53:2

Paske Li te grandi devan nou kon yon boujon vèt, e tankou yon rasin ki sòti nan tè sèk. Li pa gen okenn bèlte nan fòm Li, ni majeste pou nou ta gade sou Li, ni aparans pou nou ta atire a Li.

Matye 17:2

Konsa, Li te transfòme la devan yo. Figi Li te klere tankou solèy la, e vètman li te vin blanch tankou limyè.

Mak 16:12

Epi apre sa, Li te parèt nan yon lòt fòm a yo de pandan yo t ap mache fè wout yo andeyò.

Lik 3:21

Konsa, li te vin rive ke lè tout pèp la t ap batize, Jésus te batize tou. Epi pandan Li t ap priye, syèl la te vin ouvri,

Lik 5:16

Men Jésus Li menm, te konn souvan chape ale nan dezè a poupriye.

Lik 6:12

Se te nan lè sa yo ke Li te kon ale nan mòn nan pou priye. Li te pase tout nwit lan nan lapriyè ak Bondye.

Lik 9:18

Li te vin rive ke pandan Li t ap priye sèl, disip yo te toupre. Konsa, Li te poze yon kesyon. Li te mande: “Kilès moun pèp la di ke Mwen ye?”

Lik 9:30

Epi gade, de zòm t ap pale avèk Li. Se te Moïse avèk Elie,

Jan 1:14

E pawòl la te vin lachè, e te viv pami nou. Nou te wè glwa Li, kon glwa a sèl Fis inik a Papa a, ranpli avèk gras ak verite.

Travay 6:15

Konsa, yo tout nan konsèy la te fikse zye yo sou li, e yo te wè figi li tankou figi a yon zanj.

Revelasyon 20:11

Konsa, mwen te wè yon gwo twòn blan, ak Sila ki te chita sou li a. De prezans Li, tè a ak syèl la te sove ale. Pa t gen plas pou yo.