Lik 7:46 - Bib Sen An: Kreyòl Ayisyen

⁴⁶ Ou pa t onksyone tèt Mwen avèk lwil, men li te onksyone pye Mwen avèk pafen.

1998 Haïtienne

⁴⁶ Ou pa vide lwil sou tèt mwen. Men li menm, li vide odè sou pye mwen.

Nouvo Testaman: Vèsyon Kreyòl Fasil

⁴⁶ Ou pa t vide lwil sou tèt mwen; men li menm, li vide pafen santi bon sou pye m.

Lik 7:46 交叉引用

2 Samyèl 12:20

Konsa, David te leve soti atè a. Li te lave tèt li, li te onksyone kò l, e li te chanje rad li. Konsa, li te antre lakay SENYÈ a pou te adore. Epi li te vin nan pwòp kay li. Lè li te mande, yo te mete manje devan li pou l te manje.

2 Samyèl 14:2

Pou sa, Joab te voye kote Tekoa e te fè rive yon fanm avèk sajès soti la. Li te di li: “Souple, fè kòmsi se yon moun ki andèy. Mete sou ou vètman andèy depi koulye a. Pa onksyone ou avèk lwil, men fè tankou yon fanm ki te deja andèy pou mò a soti anpil jou.

Sòm 104:15

e diven ki fè kè a lòm kontan an, pou li kab fè figi li klere ak lwil, ak manje ki bay soutyen a kè lòm nan.

Sòm 23:5

Ou ranje yon tab devan mwen nan prezans lènmi mwen yo. Ou onksyone tèt mwen avèk lwil. Tas mwen fin debòde nèt.

Eklezyas 9:8

Kite tout vètman ou yo rete blan tout tan, e pa kite lwil la manke sou tèt ou.

Danyèl 10:3

Mwen pa t manje okenn bon manje; ni vyann, ni diven nan pa t antre nan bouch mwen. Ni mwen pa t sèvi okenn pomad pou onksyone jiskaske tout twa semèn sila yo te fin akonpli.

Amòs 6:6

Sila k ap bwè diven nan kalbas sakrifis yo pandan yo onksyone kò yo ak pi bon lwil yo, malgre sa, yo pa kriye pou Joseph, ki fin devaste nèt la.

Miche 6:15

Ou va simen, men ou p ap rekòlte. Ou va kraze grenn oliv anba pye, men ou menm p ap onksyone ak lwil; kraze rezen, men ou p ap bwè diven an.

Matye 6:17

“Men nou menm, lè nou ap fè jèn, onksyone tèt nou avèk lwil e lave figi nou,

Lik 7:47

“Pou rezon sa a Mwen di ou, peche li yo ki te anpil, vin padone, paske li te renmen anpil: men sila a ki padone piti, renmen piti.”

Rit 3:3

Pou sa, lave kò ou, onksyone ou e mete pi bèl rad ou yo pou desann nan glasi vannen an. Men pa fè nonm nan konnen kilès ou ye jiskaske li fin manje ak bwè.