Lik 22:35 - Bib Sen An: Kreyòl Ayisyen

³⁵ Li te di yo: “Lè Mwen te voye nou deyò san bous, ni sak, ni sapat la, nou pa t manke anyen; se pa sa?” E yo te di: “Non, anyen”.

1998 Haïtienne

³⁵ Jezi di yo ankò: — Lè m te voye nou san lajan, san manje, san soulye, eske nou te manke kichòy? Yo reponn li: — Nou pat manke anyen.

Nouvo Testaman: Vèsyon Kreyòl Fasil

³⁵ Apre sa, Jezi di apot yo: “Lè m te voye nou san lajan, san manje, san soulye, èske nou te manke kichòy?” Yo reponn li: “Nou pa t manke anyen.”

Lik 22:35 交叉引用

Jenèz 48:15

Li te beni Joseph, e te di: “Bondye devan sila zansèt mwen yo, Abraham avèk Isaac te mache a, Bondye ki te bèje m nan pandan tout vi m jis rive jounen jodi a,

1 Wa 11:22

Alò, Farawon te di li: “Men kisa ou te manke avè m, ke konsa, w ap chache ale nan pwòp peyi pa ou?” Li te reponn li: “Anyen: men anverite, fòk ou kite mwen ale.”

Sòm 23:1

Bondye se bèje mwen; mwen p ap janm manke anyen.

Sòm 37:3

Mete konfyans ou nan SENYÈ a, e fè sa ki bon. Demere nan peyi a e kiltive nan bon tè.

Lik 10:4

Pa pote bous, ni sak, ni soulye. Pa menm salye pèsonn nan wout la.

Lik 22:34

Li te reponn: “Mwen di ou, Pierre, ke kòk la p ap gen tan chante jodi a avan ou di twa fwa ke ou pa rekonèt Mwen.”

Lik 22:36

Li te di yo ankò: “Men koulye a, nenpòt moun ki gen yon bous, fòk li pran l avè l; menm jan an tou, yon sak. E nenpòt moun ki pa gen, fòk li vann manto li, pou achte youn nepe.

Lik 9:3

Konsa, Li te di yo: “Pa pran anyen pou vwayaj nou, ni yon baton, ni yon sak, ni pen, ni lajan. Pa menm pote yon dezyèm vètman.

2 Korent 8:15

Jan sa ekri a: “Sila ki te ranmase anpil la, pa t gen depase, e sila ki te ranmase piti a pa t manke.”

Detewonòm 8:16

Nan dezè a, Li te bannou lamàn ke zansèt nou yo pa t konnen, pou Li te kapab fè nou vin enb, e pou Li te kapab fè nou pase a leprèv, pouke alafen, sa te kab ale byen pou nou.