Lik 17:10 - Bib Sen An: Kreyòl Ayisyen

¹⁰ “Konsa, nou menm tou lè nou fè tout bagay ke yo kòmande nou fè, nou di: ‘Nou se esklav ki pa dign; nou fè sèlman sa ke nou dwe fè.’”

1998 Haïtienne

¹⁰ Se menm jan an tou pou nou, lè nou fin fè tou sa yo te mande nou fè, se pou n di: Se domestik nou ye, nou fè sàn te dwe fè.

Nouvo Testaman: Vèsyon Kreyòl Fasil

¹⁰ Se menm jan an tou pou nou menm. Lè nou fin fè tout sa yo te ban nou lòd fè, se pou nou di: Nou pa merite okenn remèsiman espesyal paske se sèlman sa nou te dwe fè nou fè.”

Lik 17:10 交叉引用

Ezayi 6:5

Konsa, mwen te di: “Malè a mwen, paske mwen fin detwi nèt! Akoz mwen se yon nonm ak lèv ki pa pwòp, e mwen viv pami yon pèp ak lèv ki pa pwòp; paske zye m te wè Wa a, SENYÈ dèzame yo.”

Ezayi 64:6

Paske nou tout te vini tankou yon moun ki pa pwòp. Tout zèv ladwati nou yo tankou yon rad ki sal nèt; konsa, nou tout vin fennen kon yon fèy, e inikite nou yo tankou van, pote nou ale.

Jeremi 32:23

Yo te antre e te pran posesyon li, men yo pa t obeyi a vwa Ou, ni mache nan lalwa Ou. Yo pa t fè anyen nan tout sa Ou te kòmande yo fè yo. Pou sa, Ou fè tout malè sa a rive sou yo.

Matye 25:30

Voye esklav initil sila a nan fon tenèb, nan plas kote ap genyen kriye ak manje dan.’

Lik 17:11

Pandan Li te nan wout vè Jérusalem, Li t ap pase antre Samarie ak Galilée.

Lik 17:9

Li p ap remèsye esklav la paske li te fè bagay ki te kòmande yo. Èske se pa vrè?

Women 11:35

Oswa “Kilès ki konn bay Li yon bagay pou Li kapab repeye li ankò?”

Women 3:12

Tout detounen, ansanm yo tout vin initil. Pa gen moun ki fè sa ki bon; pa menm yon sèl.

Filemon 1:11

ke avan, te initil a ou menm, men koulye a, li itil ni pou ou, ni pou mwen.