Lik 11:15 - Bib Sen An: Kreyòl Ayisyen

¹⁵ Men kèk nan yo te di: “Li chase dyab yo pa Béelzébul, mèt dyab yo.”

1998 Haïtienne

¹⁵ Men kèk moun menm t'ap di: — Se Bèlzeboul, chèf denmon yo, ki ba li pouvwa chase movèzespri.

Nouvo Testaman: Vèsyon Kreyòl Fasil

¹⁵ Men, te gen kèk moun ki te di: “Se Satan, chèf demon yo, ki ba li pouvwa pou l chase demon. Satan se chèf tout demon yo.”

Lik 11:15 交叉引用

Matye 10:25

Se kont pou yon disip pou li vini menm jan avèk enstriktè li, e yon esklav menm jan ak mèt li. Si yo rele mèt kay la Béelzébul, konbyen anplis pou yo kalomye manm kay li yo!

Matye 12:22

Apre sa, yo te pote bay Li yon mesye ki te avèg e bèbè akoz yon move lespri. Li te geri li, e bèbè a te vin pale e li te vin wè.

Matye 4:24

Nouvèl Li te gaye toupatou nan peyi Syrie. Yo te pote bay Li tout sila ki te gen maladi avèk tout kalite doulè yo, sila ki te gen move lespri yo, sila ki te fè gwo kriz, ki te vin paralize yo, e Li te geri yo.

Matye 9:34

Men Farizyen yo t ap di: “Li chase move lespri yo pa pouvwa a mèt move lespri yo.”

Jan 10:20

Anpil t ap di: “Li gen yon dyab epi Li fou. Poukisa nou ap koute Li?”

Jan 7:20

Foul la te reponn Li: “Ou gen yon move lespri! Kilès k ap chache touye W la?”

Jan 8:48

Jwif yo te reponn e te di Li: “Èske nou pa di vrèman ke Ou se yon Samariten epi ke Ou gen yon move lespri?”

Jan 8:52

Jwif yo te di Li: “Koulye a nou konnen ke Ou gen yon move lespri. Abraham te mouri, e pwofèt yo osi. Men Ou di: ‘Si nenpòt moun kenbe pawòl Mwen, li p ap janm wè lanmò.’