Levitik 19:15 - Bib Sen An: Kreyòl Ayisyen

¹⁵ “‘Nou pa pou fè lenjistis nan jijman nou yo. Nou pa pou apiye vè malere a, ni apiye vè moun pwisan an, men nou va jije vwazen nou avèk jistis.

1998 Haïtienne

¹⁵ Piga nou fè lenjistis nan tribinal. Piga nou fè patipri pou pòv, ni piga nou achte figi grannèg. N'a rann jistis pou tout frè parèy nou san paspouki.

Levitik 19:15 交叉引用

Jòb 13:8

Èske ou va pran ka pa Li? Èske ou va diskite pou Bondye?

Jòb 32:21

Alò, pa kite mwen pran pati a okenn moun, ni flate pèsòn.

Jòb 34:19

Ki p ap montre patipri a prens yo, ni rich yo kon pi enpòtan ke pòv, paske tout moun se zèv a men Li ke yo ye.

Sòm 82:2

Pou konbyen de tan nou va jije san jistis, e montre favè a mechan yo?

Egzòd 18:21

“Anplis de sa, ou va chwazi pami tout pèp la, mesye ki kapab yo ki gen lakrent Bondye, moun ak verite, ki rayi richès malonèt. Konsa, ou va plase yo sou pèp la kòm chèf sou milye, sou santèn, sou senkantèn, ak sou dis.

Pwovèb 18:5

Panche vè youn moun mechan an pa bon, ni pou fè jijman ki rache jistis nan men moun dwat yo.

Pwovèb 24:23

Sila yo, anplis, se pawòl a sajès: Fè patipri nan jijman pa bon.

Pwovèb 31:9

Ouvri bouch ou, fè jijman ak dwati, e defann dwa a aflije yo ak endijan an.”

Levitik 19:35

Nou pa pou fè move jijman, ni nan mezire longè, pwa, oubyen kapasite.

Jan 7:24

“Pa jije selon aparans, men jije avèk jijman ki jis.”

Travay 23:3

Konsa, Paul te di li: “Bondye pral frape ou, ou menm miray ki blanchi avèk lacho! Èske ou chita pou jije m selon Lalwa a, e nan vyolasyon Lalwa a, ou pase lòd pou yo frape m?”

Detewonòm 1:17

Nou pa pou gen moun pa nan jijman an; nou va tande moun gwo pwa avèk moun ki manke pwa egal menm jan. Nou pa pou pè moun, paske jijman an se pou Bondye. Ka ki twò difisil pou nou an, nou va pote li ban mwen, e mwen va tande l.’

Detewonòm 10:17

“Paske SENYÈ a, Bondye nou an, se Bondye a dye yo e SENYÈ a senyè yo. Li se Bondye ki gran an, pwisan e etonan an, ki pa montre favè a pèsòn, ni pa vann favè Li anba tab.

Detewonòm 16:19

Nou p ap tòde jistis la. Nou p ap fè patipri, e nou p ap pran anyen anba tab; paske afè anba tab avegle zye a saj yo, e pèvèti pawòl a sila ki dwat yo.

Detewonòm 27:19

‘Modi se sila ki tòde lajistis pou yon etranje, òfelen, oswa vèv.’ Epi tout pèp la va di: ‘Amen’.