Jòb 30:1 - Bib Sen An: Kreyòl Ayisyen

¹ Men koulye a, sila ki pi jenn pase m ap giyonnen m. Papa a sila mwen pat ta dakò pou mete ansanm ak chen bann mouton yo.

1998 Haïtienne

¹ Men kounyeya, moun ki pi jenn pase m yo ap pase m nan rizib. Papa yo se moun mwen pat pran pou anyen, moun mwen pa ta menm mete ak chen m pou gade mouton.

Jòb 30:1 交叉引用

2 Wa 2:23

Alò, soti la, li te monte Béthel. Pandan li t ap monte nan chemen an, jenn gason yo te sòti deyò soti lavil la. Yo te moke li e te di li: “Ale monte, tèt chòv! Ale monte, tèt chòv!”

Jòb 12:4

Mwen se yon blag devan zanmi mwen yo, sila ki te fè apèl Bondye a, e Li te reponn li an. Nonm nan ki dwat e san tò a vin yon blag.

Jòb 30:2

Anverite, ki byen fòs men pa yo ta kab fè m? Gwo fòs te deja disparèt nan yo

Sòm 119:51

Moun awogan yo meprize m nèt, men mwen pa vire kite lalwa Ou.

Sòm 69:12

Sila ki chita nan pòtay yo pale afè mwen, e moun sòt yo fè chan sou mwen.

Ezayi 3:5

Epi pèp la va oprime, youn pa yon lòt e chak pa vwazen li; jenn yo va fè rebèl kont granmoun yo e sila ki enferyè a kont sila ki gen onè a.

Mak 14:65

Epi kèk te kòmanse krache sou Li, e bat Li avèk kout pwen. Yo t ap di L: “Pwofetize!” Ofisye yo te fwape L ak kalòt nan figi.

Lik 23:14

Li te di yo: “Nou te mennen nonm sa a kote mwen tankou yon moun ki t ap pouse pèp la a rebelyon, e gade byen, selon egzamen ki fèt devan nou, mwen pa twouve okenn koupabilite nan Li, selon chaj ke nou fè kont Li yo.

Lik 23:18

Men yo te kriye fò tout ansanm, e te di: “Fè nonm sa ale! Libere pou nou Barabbas!”

Lik 23:35

Pèp la te kanpe akote, e t ap gade. Menm ofisye yo t ap moke L, e t ap di: “Li te sove lòt yo, kite Li sove pwòp tèt Li si se Kris a Bondye a, Sila Ke Li Chwazi a.”

Lik 23:39

Youn nan kriminèl ki te pann yo t ap voye pawòl abizif vè Li; li t ap di: “Èske se pa Kris la Ou ye? Sove tèt Ou, avèk nou!”

Travay 17:5

Men Jwif yo te vin jalou, e te mennen kèk mesye mechan sòti nan mache a. Yo te fòme yon ekip ajitatè, e te mete tout vil la nan yon tapaj. Lè yo te rive lakay Jason, yo t ap chache mennen yo deyò bay pèp la.

Tit 1:12

Youn nan yo, yon pwofèt de pèp yo menm te di: “Moun Crète yo se toujou mantè yo ye, bèt mechan, parese ki manje twòp”.